وزیر اعظم عمران خان نے پیر کو کہا کہ غیر ملکی فنڈنگ کے معاملے میں ہمیں پھنسانے والے اب خود اس میں پھنس گئے ہیں۔
وزیر اعظم نے بتایا کہ الیکشن کمیشن آف پاکستان (ای سی پی) میں حکومت کی پوزیشن درست ثابت ہوئی ہے۔ ان کا مزید کہنا تھا کہ وہ براڈشیٹ معاملے کی شفاف اور منصفانہ تحقیقات چاہتے ہیں۔
انہوں نے کہا کہ ہم قومی خزانے کو نقصان پہنچانے والے ہر ایک کو بے نقاب کریں گے۔ اور اپوزیشن اس بھول میں ہے کہ وہ پروپیگنڈا کے ذریعے حقائق کو چھپانے میں کامیاب ہوجائیں گے۔
انہوں نے متعلقہ حکام کو ہدایت کی کہ وہ ملک میں زمین غلط طریقے سے حاصل کرنے والوں کے خلاف آپریشن کا دائرہ وسیع کریں۔
وزیر اعظم کی طرف سے یہ ہدایات سرکاری عہدیداروں کے اجلاس کی صدارت کرتے ہوئے کی گئی جس میں انہوں نے براڈشیٹ ، غیر ملکی فنڈنگ کیس اور زمین غلط طریقے سے حاصل کرنے والوں کو پکڑنے سے متعلق امور پر وزیر اعظم عمران کو آگاہ کیا۔
وزیر اعظم نے کہا کہ مسلم لیگ (ن) نے ہمیشہ سرکاری اراضی کو غلط طریقے سے حاصل کرنے والوں کو سرپرستی فراہم کی ہے۔” انہوں نے مزید کہا کہ کوئی بھی شخص سیاسی سرپرستی کے بغیر غلط طریقے سے سرکاری اراضی حاصل نہیں کرسکتا۔
