پاکستان کا ایسا منفرد گاؤں جس کے چرچے ملک سے باہر بھی ہوتے ہیں

پاکستان کا ایک ایسا پُرامن گاؤں رسول پور ضلع راجن جہاں ایک سو سال سے کوئی جرم نہیں ہوا۔ پورے گاؤں میں سگریٹ بیچنے پر پابندی ہے۔ پورا گاؤں پڑھا لکھا ہے۔ گاؤں کی شرح خواندگی 99 فیصد ہے۔ سو سال سے یہاں منشیات فروشی پر پابندی ہے۔ اپنی اس خوبی کی بنا پر اس کا چرچہ بیرون ممالک میں بھی ہوتا ہے۔

 

 

گاؤں کے لوگوں کے مطابق چونکہ یہاں تمام لوگ پڑھے لکھے ہیں تو ہماری نئی نسل بھی ان سے متاثر ہو کر پڑھائی کی طرف دھیان دے رہی ہے۔ علاقے کا تمام انتظام وہاں کے موجود افراد مل کر کرتے ہیں اس کے لئے حکومت سے کوئی امداد نہیں لی جاتی۔ گلیوں کی تعمیر کا کام بھی گاؤں کی تشکیل کردہ کمیٹی کرتی ہے جو تمام فنڈز جمع کر کے ایسے کاموں کو مکمل کرواتی ہے۔

 

 

گاؤں کے تمام نظام کو یورپ کی طرح رکھا گیا ہے گلی محلوں کی صفائی ستھرائی کے لحاظ سے گاؤں کے تمام افراد روزگار سے وابستہ ہیں اور اچھے عہدوں پر کام کر رہے ہیں جس کی وجہ سے وہ اپنا ٹیکس بھی حکومت کو برابر ادا کر رہے ہیں۔

 

 

گاؤں کے لوگوں کے مطابق چونکہ تمام لوگ تعلیم یافتہ پڑھے لکھے اور باشعور ہیں تو گھریلو ناچاقیاں اور گالم گلوچ کا ماحول بھی کبھی دیکھنے میں نہیں آیا۔ اساتذہ بچوں کی طرف توجہ کرتے ہیں جس کی وجہ سے تعلیم کا معیار بہتر ہوتا ہے۔