جب حضرت عیسٰی علیہ السلام نے اڑتا پہاڑ دیکھ تو اس سے پوچھا کہ تو ہوا میں کیوں ہے، اس نے ایسا جواب دیا کہ حضرت عیسٰی بھی۔

پیر محمد عبد الوحید رضوی نے ایک قصہ بیان کیا : حضرت عیسیٰؑ ایک دن اپنے چند حواریوں کے ساتھ ایک جگہ سے گزر رہے تھے کہ آپ نے دیکھا کہ ایک پہاڑ ہوا میں کھڑا تھا۔

 

آپؑ بہت حیران ہوئے اور وہا ں کھڑے ایک شخص سے اس کی وجہ پوچھی تو اس نے کہا کہ مجھے بھی معلوم نہیں۔

 

آپؑ نے اس پہاڑ کا چکر کاٹا اور اللہ سے کہا کہ اس پہاڑ سے میں بات کرنا چاہتا ہوں تو اللہ نے جب اس پہاڑ کو بات کرنے کی اجازت دی۔آپؑ نے پھر اس پہاڑ سے مخاطب ہو کر فرمایا کہ تو ہوا میں کیوں کھڑا ہے؟

 

تو پہاڑ بولاایک دن میں نے سنا کہ اللہ نے ایک ایسی آگ تیار کی ہے جس کا ایندھن انسان اور پتھر ہیں جب سے میں نے یہ سنا تب سے میرے وجود میں بے قراری ہے اس بے قراری میں میں نے اوپر کی طرف اٹھنا شروع کر دیا یہاں تک کہ ہوا میں پہنچ گیا۔ اس دن سے لے کر میں آج تک بے قرار ہی ہوں۔ مجھے خوف ہے کہ کہیں اس آگ کا ایندھن میں نہ بن جاؤں۔

 

آپؑ رونے لگے اور عرض کی کہ یا اللہ یہ پتھر تجھ سے خوف کر رہا ہے۔ اور تیرے بندوں کا زرّہ بھی خوف نہیں کہ ان کے ساتھ تو کیا کرے گا۔

 

حضرت عیسیؑ نے پتھر سے کہا کہ اب تمہارا کیا ارادہ ہے تو اس نے کہا کہ آپ مجھے اللہ سے امان دلا دیں میں نیچے اتر آؤں گا ۔ حضرت عیسیؑ نے اللہ سے اس پتھر کے امان کی دعا کی اور ہو پہاڑ نیچے اپنی زمین پر قائم ہو گیا۔

 

حضرت فرماتے ہیں کہ اس پتھر نے صرف سنا تھا کہ اللہ پتھروں کو آگ کا ایندھن بنائے گا تو اس میں کتنا خوفِ خدا تھا کہ ہوا میں چلا گیا ۔جبکہ انسان کو علم ہوتا ہے کہ اس کو گناہ کے عوض سزا ملنی ہے وہ پھر بھی گناہ کیے چلا جاتا ہے۔