ہالی وڈ کی تاریخ میں ایک بار ایک بہت عجیب واقعہ پیش آیا بلیو وارڈ کی سڑک کے اطراف میں واک آف فیم کے نام سے ایک تقریب منعقد کی جاتی ہے اس تقریب میں امریکہ کا نام روشن کرنے والے ہیروز کے ناموں کے ستارے سڑک کی اطراف میں بنے راستے پر زمین پر لگائے جاتے ہیں ، ہر ستارے کے ساتھ ہیرو کا نام لکھا ہوتا ہے، لوگ وہاں سے گزرتے ہوئے اپنے ہیروز کے نام پڑھ کر خوشی محسوس کرتے ہیں۔
4 سے 5 سال پہلے واک آف فیم کے سلسلے میں امریکہ کے ستاروں کے نام سڑک پر لگائے جا رہے تھے، اس موقع پر ایک ہیرو نے اپنا ستارہ زمین پر لگوانے سے انکار کر دیا۔ اس کا کہنا تھا کہ وہ اپنا نام زمین پر لکھا ہوا برداشت نہیں کر سکتا۔ اگر انتظامیہ کو کوئی اعتراض ہے تو وہ چاہیں تو اس کا نام ہیروز کی لسٹ میں سے نکال دیں۔
جس شخص نے اعتراض کیا وہ اس زمانے میں امریکہ کا ٹوپ کلاس ہیرو تھا۔ انتظامیہ نے اس سے اس کی وجہ پوچھی تو اس نے کہا کہ بات صرف میرے نام کی نہیں ہے دراصل جس ہستی کے نام پر میں نے اپنا نام رکھا ہے ، مجھے اس کے نام سے ایسا عشق ہے اور میرے دل میں اس کے نام کی ایسی عزت ہے کہ میں برداشت ہی نہیں کر سکتا کہ یہ نام زمین پر لکھا جائے۔ اگر آپ نے مجھے اس تقریب میں شامل رکھنا ہے تو میرا ستارہ دیوار پر کسی بلند جگہ پر لگایا جائے۔ اور اس کی یہ شرط مان لی گئی۔
اس عظیم ہیرو کا نام باکسر محمد علی تھا۔ نام محمد سے اس کو اس قدر عشق تھا کہ اس نے اپنا نام ہیروز کی لسٹ میں سے نکالنے کا کہہ دیا لیکن اس بات پر قطعی راضی نہ ہوا کہ اتنا پاک نام زمین پر لگایا جائے اور اس پر سے لوگ گزریں۔ یہ اس نام کی بے حرمتی تھی۔
