اسلام آباد (اعتماد نیوز ڈیسک) پاکستان مسلم لیگ (ن) پنجاب کے صدر رانا ثناء اللہ خا ن نے وزیر داخلہ شیخ رشید کے بیان پر ردعمل دیتے ہوئے کہا کہ شیخ رشید عمران خان حکومت کے لئے کھڈا کھود رہا ہے، شیخ رشید مریم نواز شریف کے بارے میں زبان سنبھال کر بات کرے ،وہ افواجِ پاکستان کے خود ساختہ ترجمان بنے ہوئے ہیں،
عمران خان کی حکومت گرانے میں سرفہرست کردار ادا کر رہا ہے، خود ساختہ ترجمانوں کو روکنا ہوگا جو اپنے بیانات سے اداروں کو مزید متنازعہ بنا رہے ہیں، شیدا ٹلی فوج کا نام لیکر اداروں کو مسلسل متنازعہ اور بدنام کر رہا ہے، خود ساختہ ترجمان اپنے احمقانہ بیانات سے اداروں کو مزید متنازعہ بنا رہے ہیں،شیخ رشید فوج کے اداروں کی تضحیک کر رہے ہیں، آئی ایس پی آر شیخ رشید کے حالیہ بیانات کا نوٹس لے، یہ جس حکومت میں ہوتا اْس کے خاتمہ کا بندوبست بھی خود ہی کرتا ہے۔
رانا ثناء اللہ اصل میں پاکستانی فوج سے درخواست کر رہے ہے کہ وہ اب موجودہ حکومت کے خلاف ایکشن لے۔
