پاکستان کے صوبہ سندھ میں ایسی بھی آبادی موجود تھی، جو پُراسرار طور پر غرق ہو گئ تھی

اس بات کی حقیقت کو جھٹلایا نہیں جاسکتا کہ ہرعروج کو زوال ضروری ہے، لیکن اگربات کریں تہذیبوں کے عروج اور زوال کی، انہیں باعث فخر سمجھا جاتا ہے تو کہیں باعث عبرت۔

 

 

لاڑکانا سے بیس کلو میٹر اور سکھر کے 80 کلو میٹر جنوب مغرب میں واقع ایک ایسی ہی وادی سندھ کی قدیم تہذیب “موئن جودڑو” ہے، جوکہ پاکستان کے صوبہ سندھ میں واقعہ ہے۔ کہا جاتا ہے دریائے سندھ کے رخ کی تبدیلی، بیرونی حملہ آ ور، زلزلہ یا نامعلوم وجوہات ان تہذیبوں کے خاتمے کا باعث بنی۔ اس علاقے کا اصل نام تو پتہ نہیں ہے لیکن اسے موئن جودڑو یعنی “مردوں کا ٹیلہ” کہا جاتا ہے۔

 

مزید پڑھیے: انوکھی سوتن

 

تقریبا اڑھائی سو ایکڑ پر پھیلے ہوئے ٹیلوں کے نیچے زندگی کے آثار ملتے ہیں۔ ١٩٢٢ میں محکمہ آثار قدیمہ کے ڈائریکٹر سر جان مارشل نے دلچسپی کا اظہار کرتے ہوئے یہاں کھدائی کا کام شروع کروایا جو کہ ١٩٦۵ تک وقتاٙ فوقتاً جاری رہا۔اور پھر ١٩٦۵ میں موجدہ ڈھانچے کو نقصان کے باعث اس پر پابندی لگا دی گئ۔

 

مزید پڑھیے:  پاکستان کا ایسا شہر جو پُراسرار طور پر تباہ۔

 

یہ شہر دریائے سندھ کے اندر جزیرہ نما خشکی پر واقع تھا اس کے ایک طرف دریائے سندھ اور دوسری طرف دریائے سندھ سے نکلنے والا نالا بہتا تھا اور یہاں ایک میل لمبا حفاظتی بند باندھا گیا تھا۔ اس علاقے میں بارہا سیلاب کی تباہ کاریوں کا ثبوت ملتا ہے۔ کھدائی کے وقت جو آثار سب سے زیادہ گہرائی سے ملے ہیں وہ سب سے زیادہ ترقی کا پتہ دیتے ہیں۔ پختہ مکانات، بازار، سڑکیں اور اس تہذیب کا رہن سہن اس کے عروج کی نشانی ہے۔

 

 

 

 

 

موئن جودڑو میں قلعہ اصل شہر کے اندر ایک ممتاز حیثیت رکھتا تھا، جس کے ارد گرد گلیاں پھیلی ہوئی ہیں۔ یہ قلعہ ایک چبوترے پر واقع ہے، جو مٹی اور کچی اینٹوں سے بنایا گیا تھا۔ کھدائی سے ایک عظیم تلاب اور بہت بڑی بڑی عمارتوں کے آثار بھی ملے ہیں، جن میں بڑے بڑے ہال اور بیرکوں کے نشانات ملے ہیں۔

 

 

یہاں کے لوگوں کا پیشہ زراعت اور تجارت تھا گندم اور کپاس کاشت کی جاتی تھی۔ کپاس کے دھاگے سے بنے ایک کپڑے کا ٹکڑا بھی ملا ہے، جس پر سرخ اور میجیٹھی رنگ ہیں جو آج بھی سندھی اجرک کے مخصوص رنگ ہیں۔

 

مزید پڑھیے: خانہ کعبہ شریف کی دیوار پر رُکنِ یمنی کے مقام پر درار کی تاریخ جانئے۔

 

یہاں کے تجارتی سامان میں ہاتھی کے دانت ، کپاس سوتی دھاگہ سوتی کپڑا اور اجرک شامل تھے۔

 

 

کھدائی کے دوران 12 سو سے زائد مہریں ملی ہیں، جن پر بیل، گھوڑا، ہاتھی ،ایک سینگ والے گینڈے اور شیر کی تصویریں بنی ہوئی ہیں۔ کچھ مہروں پر ایک سے زیادہ جانوروں کے سروں کی تصویریں ہیں۔

 

یہاں سے گیارہ مجسمے ملے ہیں جن میں زیادہ تر پر ایک ہی شخص دکھایا گیا ہے جو کہ غالباً مذہبی رہنما ہو سکتا ہے۔ دنبے اور ہاتھی کی شکل کا مجسمہ بھی ملا ہے گویا زیادہ ترمجسمے مذہبی اہمیت کے حامل ہیں۔

 

مجسموں کے علاوہ مٹی کی بہت سی مورتیاں بھی ملی ہے، جن میں کچھ انسانی اور کچھ حیوانی مورتیاں ہیں۔ اور کچھ کا آدھا حصہ انسان اور آ دھا کسی جانور کا ہے۔ مٹی کی بنی بیل گاڑیاں، گڑیاں اور دوسرے کھلونے اور بہت سے برتن ملے ہیں جن پر سجاوٹی نمونے جیسے مور ، مچھلیاں ، ہرن اور کچھ پھول بنے نظر آتے ہیں۔

 

عورتیں سونے چاندی اور قیمتی پتھروں کے بنے ہوئے زیورات استعمال کرتی تھیں۔ زیورات میں ہار، گلوبند ، کنگن کے علاوہ کمربند ہوتے تھے۔ اس کے علاوہ سونے کے تعویذ اورسرخ عقیق سے منکے بنائے جاتے تھے۔ سرمہ دانی، سرمہ لگانے کی سلائی اور تانبے کے آئینے بھی میسر تھے۔

 

مزید پڑھیے: جا نئے پانی میں موجود قبر جسے آج تک کچھ نہیں ہوا

 

لباس کے بارے میں کچھ خاص تفصیلات نہیں مل سکیں مرد چوغہ پہنتے تھے، عورتیں دھوتی باندھتی تھیں امیر عورتیں اس کے اوپر کمر بند باندھتی تھیں۔

 

 

وادی سندھ کے پراسرار رازوں میں سے ایک راز یہاں کا رسم الخط ہے ۔موئن جودڑو کی کھدائی کو 100 سال مکمل ہو چکے ہیں مگر تاحال اس قدیم شہر سے ملنے والی اشیا پر لکھی تحریروں کو نہیں پڑھا جا سکا، جس کے باعث اس پُراسرار شہرکے بہت سے حقائق کے بارے میں آج تک پتہ نہیں چل سکا۔

محظ بے جان اور خاموش نظر آنے والایہ شہر”موئن جو دڑو” قدیم تہذیب کا شاہکار ہے، جس پر تحقیقات ابھی تک جاری ہیں۔ ضرورت اس بات کی ہے کہ اس قدیم تہذیب کے آثار کوموثر بنانے کے لیے حکومت اقدامات کرے۔

 

مزید پڑھیے: ایسی تصویر جس نے فوٹوگرافر کو خودکشی پر مجبور کر دیا

 

اس کے ساتھ ساتھ یہ آج کے ترقی یافتہ قوموں اور پوری دنیا کے لیے ایک منہ بولتی نصیحت ہے کہ کس طرح ایک ترقی یافتہ قوم اس دنیا سے نست و نبود ہو جاتی ہے اور اس کا نام ونشان بھی نہیں ملتا۔ اللہ تعالی نے انسان کو دنیا میں موجود مختلف قسم کی نشانیوں سے ہدایت دینے کی ترغیب دی ہے۔ اگر اب بھی ایک انسان اس سے لاشعوری کا بہانہ کریں اور دنیا کی تو کو دو میں گم جائے، تو اس کے لئے اللہ تعالی نے بھی کہا ہے کہ بے شک انسان خسارے میں ہے۔

 

مزید پڑھیے: گرمی میں پسینے کی بدبو دُور کرنے کا طریقہ

 

نوٹ: یہ ایک تاریخی واقعہ ہے، جس پر مختلف آراہ رکھی جاسکتی ہے۔ آپنی رائے اور واقعہ میں اضافہ کے لئے کمنٹ بکس کا استعمال کریں یا پھر ہمیں اس ای میل اڈریس پر۔رابطہ کرے.
reporter.aitmaadtv.com