جدہ (اعتماد نیوز ڈیسک) حال میں ہی ایک ویڈیو سوشل میڈیا پر وائرل ہوئی جس میں دیکھا جا سکتا ہے کہ سعودی باشندے کی جانب سے پاکستانی شخص کو ایک ڈبہ تحفہ میں دیا جاتا ہے۔ پاکستانی شخص جب اس ڈبہ کو کھولتا ہے تو اس میں سے ایک اور ڈبہ نکلتا ہے۔ جب دوبارہ ڈبے کو کھولا جاتا ہے تو ایک بار پھر سے ڈبہ نکلتا ہے۔
اتنے سال ایمانداری سے ملازمت کرنے والے پاکستانی کو سعودی مالک نے سونے کی ا ینٹ تحفے میں دے دی۔ سعودی مالک نے پاکستانی ملازم کو 42 سالہ ملازمت کرنے پر پر سونے کی اینٹ تحفے میں دی ۔
جبکہ وائرل ویڈیو میں دیکھا جا سکتا ہے کہ سعودی باشندے کی جانب سے پاکستانی شخص کو ایک ڈبہ تحفہ میں دیا جاتا ہے۔ تاہم آخری ڈبہ کھولنے کے بعد ایک شیشے کا باکس نکلتا ہے جس میں ایک سونے کی اینٹ موجود ہوتی ہے۔ ماہرین کے مطابق، سونے کی اینٹ کی مالیت تقریبا 82 لاکھ روپے بتائی جارہی ہے۔
یاد رہے کہ مالک کی طرف سے یہ بات سامنے آئی ہے کہ سونے کی اینٹ پاکستان شخص کی ایمانداری وفاداری کے باعث دی گئی۔ ویڈیو وائرل ہونے کے بعد صارفین نے سعودی باشندے کے اس اقدام کو خوب سراہا۔
یاد رہے کہ جب سے کرونا آیا ہے تو پوری دنیا سمیت سعودی عرب میں معاشی استحکام ختم ہوگیا، جس کی وجہ سے سعودیہ سے ہزاروں پاکستانی ملازمین کو ملازمت سے نکال دیا گیا تھا۔
