اسلام آباد (اعتماد نیوز ڈیسک) آئی جی نیشنل ہائی ویز اینڈ موٹروے پولیس نے ہدایات جاری کی جس کے مطابق موٹروے پولیس ایم 4 سیکٹر 1 کی جانب سے غیر قانونی پولیس لائٹس اور غیر قانونی نمبر پلیٹس والی گاڑیوں کے خلاف کریک ڈاون کا آغاز کر دیا گیا ہے۔
یہ گاڑیاں موٹر وے پر نہیں چلے گی، موٹر وے پر سفر کرنے والوں کیلئے اہم خبر آگئی
تفصیلات کے مطابق، غیر قانونی پولیس لائٹس اور غیر قانونی نمبر پلیٹس کا استعمال قانونی طور پر غلط ہے اور اسے ہر صورت روکا جائے گا اور تمام وسائل بروئے کار لاکر اس کو ختم کیا جائے گا۔ جبکہ اس مقصد کے لیے خصوصی چیکنگ پوائنٹس اور چیکنگ سکواڈ تشکیل دے دیئے گئے ہیں۔
دوسری طرف سی پی او بیٹ 17 افتخار علی وینس نے بتایا ہے کہ عوام الناس کو میڈیا کمپئین کے ذریعے آگاہ کیا جا رہا ہے کہ غیر قانونی پولیس لائٹس اور غیر قانونی نمبر پلیٹس کا استعمال ترک کر دیں ورنہ بھاری جرمانوں کا عمل شروع کر دیا گیا ہے۔ اس کے ساتھ ساتھ مزید یہ کہ غیر قانونی نمبر پلیٹس کی حامل گاڑیوں کو موٹر وے پر داخل نہیں ہونے دیا جائے گا۔
