اسلام آباد (اعتماد نیوز ڈیسک) پاکستان کے دارالحکومت اسلام آباد میں بننے والے مندر کا لام روک دیا گیا۔
تفصیلات کے مطابق، اسلام آباد ڈیولپمنٹ اتھارٹی (سی ڈی اے) نے اسلام آباد میں ہندو مندر کی تعمیر کے لیے مختص جگہ کی الاٹمنٹ کینسل کر دی جبکہ بتایا یہ جا رہا ہے کہ عدالت کے کہنے پر کیا گیا۔
سیکٹر ایچ نائن ٹو میں ہندو مندر کی تعمیر کے لیے جگہ مختص کی گئی تھی، جہاں ہندو برادری کے لیے مندر، کمیونٹی سینٹر اور شمشان گھاٹ کی تعمیر ہونی تھی۔ سماعت میں، جسٹس عامر فاروق نے شہری کی مندر کی تعمیر کے خلاف درخواست پر مندر کے لئے مختص کی گئی جگہ کو کینسل کر دیا۔
سی ڈی اے کے وکیل جاوید اقبال وینس نے پیش رفت سے اسلام آباد ہائی کورٹ کو آگاہ کردیا۔ وکیل جاوید اقبال وینس نے کہا کہ ہندو مندر کی تعمیر وفاقی کابینہ کی ہدایت پر کینسل کردی ہے کیونکہ وفاقی کابینہ نے ہدایت کی تھی کہ گرین ایریاز (سرسبز مقامات) میں جن بلڈنگز کی تعمیرات نہیں ہوئیں انہیں کینسل کردیں۔
آپ کو بتاتے چلے کہ جب وزیراعظم عمران خان مندر کے لئے جگہ کا اعلان کیا تھا تو انہیں اس بارے میں شدید تنقید کا نشانہ بنایا گیا تھا کہ ایک مسلم ریاست میں کیسے غیر مسلموں کو عبادت گاہ بنانے کی اجازت دی گئی ہے۔
