شارجہ ( اعتماد نیوزڈیسک)متحدہ عرب امارات انتظامیہ کی طرف سے بڑا اعلان: متحدہ عرب امارات کے وہ رہائشی جو 1971 کو پیدا ہوئے تھے اب وہ متحدہ عرب امارات کے اتحاد کے پچاس سال پورے ہونے کی خوشی میں مفت خریداری کرینگے۔
مشہور نیوز خلیج اردو کے مطابق ، متحدہ عرب امارات کی سب سے بڑی ہائپر مارکیٹوں میں سے ایک یونین کوپ نے پیر کے روز کہا ہے جو خریدار 1971 میں پیدا ہوئے تھے ، انہیں یو اے ای کی 50 ویں سالگرہ کے موقع پر اس کی 100 روزہ تشہیری مہم کے حصے کے طور پر مفت خریداری کیلئے افضال کارڈ تحفے میں دیا جائے گا۔
جبکہ پچاس کے قریب خریداروں کو سمارٹ فون جیتنے کا امکان ، دیگر پچاس کو گولڈ بار اور مزید پچاس کو ماؤنٹین بائکس جیتنے کا موقع ملے گا۔ پچاس خریداروں کو 50,000 تمایاز پوائنٹس ملیں گے۔ اس موقع پر مختلف ریٹیل کمپنیوں نے پروموشنل مہم کی مدت کے دوران ہزاروں اشیا کی قیمتوں کو کم کرنے کے ساتھ ساتھ صارفین کو مختلف انعامات کی پیشکش کیلئے 50 ملین درہم مختص کیے ہیں۔
آپ کو بتاتے چلے کہ متحدہ عرب امارات اتحاد سے پہلے محض ایک گرم ریگستان تھی، جس کے بعد اس اتحاد نے ان کو چار چاند لگا دئے اور انہوں نے دن دوگنی اور رات چوگنی ترقی کر کے پوری دنیا میں واضح حیثت حاصل کر لی ہے۔
اس کی واضح مثال رواں ٹی ٹوئنٹی ورلڈ کپ میچز ہے، اس کے باوجود کہ متحدہ عرب امارات کی کوئی کرکٹ ٹیم نہیں پھر بھی ورلڈ کپ دبئی اور شارجہ میں ہو رہا ہے۔
