اسلام آباد (اعتماد نیوز ڈیسک) سانحہ پشاور کی سپریم کورٹ پیشی پر، عمران خان کو سپریم کورٹ نے وزیراعظم پاکستان کو ذاتی طور پر بلایا تھا۔
عمران خان سابقہ آرمی چیف اور سابقہ ڈی جی آئی ایس آئی کے خلاف مقدمہ کے سوال پر مسکرا دیئے۔
تفصیلات کے مطابق، مورخہ 10 نومبر 2021 بروز بدھ کو سپریم کورٹ نے وزیر اعظم عمران خان کو سانحہ اے پی ایس کیس میں طلب کیا ،وزیر اعظم جب سپریم کورٹ پہنچے تو صحافیوں نے انہیں سوال کیا کہ کیا سابق آرمی چیف ڈی جی آئی ایس آئی کے خلاف مقدمہ درج کروائیں گے؟
جس پر وزیراعظم صحافیوں کے سوالوں پر مسکراتے ہوئے کمرہ عدالت میں داخل ہوگئے ۔ آپ کو بتاتے چلے سپریم کورٹ پیشی سے قبل سپریم کورٹ میں طلبی کے بعد وزیراعظم عمران خان نے اٹارنی جنرل خالد جاوید سے وزیرا عظم ہائوس میں مختصر ملاقات کی ۔
اطلاعات کے مطابق، ملاقات میں وزیراعظم عمران خان نے اٹارنی جنرل سے سانحہ آرمی پبلک اسکول ازخود نوٹس کیس پر بریفنگ لی جبکہ سپریم کورٹ کے ججز کی جانب سے ممکنہ سوالات اور جوابات پر بھی مشاورت کی اور بعد ازاں سپریم کورٹ پیشی کیلئے روانہ ہوگئے۔
تفصیلات کے مطابق، سپریم کورٹ نے اے پی ایس کیس میں وزیر اعظم عمران خان کو پیش ہونے کے احکامات دیئے ،وزیر اعظم نے اٹارنی جنرل سے مشاورت کے بعد عدالت پیش ہونے کا فیصلہ کیا جس کے بعد سپریم کورٹ میں سکیورٹی ہائی الرٹ کر دی گئی۔
