برمنگھم (اعتماد نیوز ڈیسک ) پاکستان کی مشہور سوشل ایکٹوسٹ اور نوبل انعام یافتہ ملالہ یوسف زئی نے شادی کی بجائے پارٹنر بن کر رہنے کے بیان پر وضاحت دے دی۔
تفصیلات کے مطابق، ملالہ کا کہنا تھا کہ شادی نہ کرنے کی بات کم شعوری میں کی گئی تھی۔ ان کا کہنا ہے کہ ان کے علاقے یعنی سوات میں لڑکیوں کی شادیاں جلدی کی جاتی تھیں جن کے والدین تعلیم کے اخراجات نہیں اٹھا سکتے تھے۔
انہوں نے مزید وضاحت دی کہ عصر سے ملاقات کے بعد سمجھ آیا کہ تعلیم ، شعور اور بااختیار ہونے سے شادی سمیت کسی بھی رشتے کو خوبصورت بنایا جا سکتا ہے۔
مزید انہوں نے اپنے شوہر عصر ملک کے بارے میں بھی تفصیلات دی۔ ملالہ نے بتایا کہ ان سے پہلی ملاقات 2018ء میں ہوئی اور جلد ہی ہم اچھے دوست بن گئے جبکہ ان کا دعوٰی ہے کہ عصر کے روپ پر بہترین جیون ساتھی ملا ہے۔
عصر پاکستان کرکٹ بورڈ میں بطور مینجر اپنی خدمات سرانجام دے رہے ہیں جبکہ انہوں نے تعلیم لمز یونیورسٹی لاہور سے حاصل کر رکھی ہے۔
