اسلام آباد (اعتماد نیوز ڈیسک) پاکستان کی پٹرولیم ڈویژن کو اوگرا کی تیل کی قیمتوں میں کمی بیشی کرنے کی ورکنگ سمری ارسال کر دی گئی۔
نجی نیوز چینل کے مطابق، پٹرولیم ڈویژن کو اوگرا کی تیل کی قیمتوں میں کمی بیشی کرنے کی ورکنگ سمرنی موصول ہو گئی ہے، جس میں قیمیتں ردبدل کرنے کی تجاویز پیش کر دی گئی ہے۔
بھیجی گئی سمری میں پٹرول 8 روپے فی لیٹر سستا کرنے کی تجویز دی گئی ہے، جبکہ کہا یہ جا رہا کہ پٹرول 5 روپے تک سستا ہو سکتا ہے۔ جبکہ ہائی سپیڈ ڈیزل کی قیمت میں ایک سے دو روپے فی لیٹر کمی کا امکان ہے۔
ذرائع نے مزید بتایا ہے کہ پٹرولیم مصنوعات کی قیمتوں میں کمی یا برقرار رکھنے کا فیصلہ عمران خان کی طرف سے کیا جائے گا۔
آپ کو بتاتے چلے کہ بین الاقوامی منڈی میں خام تیل کی قیمت میں 10 فیصد کی نمایاں کمی ہو گئی ہے، جس کے بعد یہ قیمت گزشتہ ڈیڑھ سال کی کم ترین سطح پر آگئی ہے۔
دیکھنا یہ ہے کہ حکومت کی طرف سے اب عوام کو ریلیف کس حد تک کیا جائے گا، عوام منتظر ہے وزیراعظم عمران خان کے فیصلے کی۔
