سیالکوٹ واقعہ، سری لنکن مینجر کا جسد خاکی جس انداز میں بھیجا گیا، خواجہ آصف بھی پُھوٹ پڑے۔

سیالکوٹ (اعتماد نیوز ڈیسک) سیالکوٹ میں ہونے والے واقعہ نے پورے پاکستان کو شرمندہ کر کے رکھ دیا ہے۔ جبکہ حکومت کی طرف سے مینجر کا جسد خاکی جس طرح بھیجا گیا، اس پر بھی حکومت کو شدید تنقید کا نشانہ بنایا گیا۔

اسی پر بات کرتے ہوئے، سابقہ وفاقی وزیر اور مسلم لیگ نواز کے اہم رکن خواجہ آصف نے بھی حکومت پر تنقید کی۔ انہوں نے سوشل میڈیا پر مینجر کے جسد خاکی جس باکس میں بھیجا گیا تھا،

اس کی تصویر شئیر کی اور لکھا کہ ریاست کی 73 سال کی پالیسیوں کا جنازہ۔

تصویر میں دیکھا جا سکتا ہے کہ جس باکس میں جسد خاکی ہے، اس کے ایک کونے پر لکھا ہوا ہے “ہیڈ” کیونکہ سر کی طرف عموماً شیشہ لگا ہوتا ہے لیکن اس باکس میں نہیں تھا۔

باکس کے اوپر لکھا ہوا ہے کہ باکس میں کومارا کا جسد خاکی ہے، جو لاہور پاکستان سے سری لنکا بھیجا جا رہا ہے۔