ریحام خان پی ڈی ایم پر بھی برس پڑی، فضل الرحمان بھی سوچنے پر مجبور

اسلام آباد (اعتماد نیوز ڈیسک) گزشتہ روز پاکستان ڈیمو کریٹک موومنٹ کا مشترکہ اجلاس ہوا، جس کے بعد، پی ڈی ایم کے سربراہ مولانا فضل الرحمان نے پریس کانفرنس میں اہم اعلان کیا۔

تفصیلات کے مطابق، مولانا فضل الرحمان نے موجودہ حکومت پر تنقید کرتے ہوئے کہا کہ پی ڈی ایم 23 مارچ کو مہنگائی مارچ کرے گی۔

جس پر تنقید کرتے ہوئے ریحام خان نے سوشل میڈیا پر پیغام جاری کیا، جس میں ریحام خان نے کہا کہ پی ڈی ایم نے 23 مارچ کو مہنگائی مارچ کا اعلان کیا ہے۔

ریحام خان نے کہا کہ کوئی پی ڈی ایم کو بتائے آج ملک میں ریکارڈ توڑ مہنگائی ہو چکی ہے۔ ان کا کہنا ہے کہ مسائل پر مارچ کرنے کے لیے وقت اہم ہوتا ہے یہ نہیں کہ آج کی مہنگائی پر آپ 4 ماہ بعد مارچ کریں۔

ایک پیغام میں، ان کا کہنا تھا کہ کیا سب ڈالڑ 200 روپے ہونے کا انتظار کر رہے ہیں؟

اس پر ایک صاحب نے پوچھا کہ میڈم جب پچھلے سال مولانا اور ان کے ہمنوا لانگ مارچ، دھرنا میں مصروف تھے کیا تب بھی مہنگائی ایشو تھا؟