لاہور (اعتماد نیوز ڈیسک) جنید صفدر کا نکاح تو برطانیہ میں ہوا لیکن اس کے ولیمے کی رسومات لاہور میں چل رہی ہے۔
جس میں موسیقی کی محفلیں بھی سج رہی ہے۔ گزشتہ روز ایک موسیقی کی محفل کی ویڈیو لیک ہوئی، جس میں دیکھا جا سکتا ہے کہ مریم صفدر بھی اس میں موجود ہے۔ اور گانا گاتی ہے کہ “چُرا لیا ہے تم نے جو دل کو تو نظر نہیں چُرانا صنم”۔
ان کی یہ ویڈیو خوب وائرل ہوئی اور شائقین نے مریم صفدر کی آواز اور انداز کی تعریفوں کے پُل باندھ دئے۔
جس کے بعد، مریم صفدر نے اس واقعہ کا نوٹس لیا اور سوشل میڈیا پر اہم پیغام جاری کیا۔
پیغام میں انہوں نے کہا کہ ان کے بیٹے کی شادی ان کا نجی خاندانی معاملہ ہے۔ تمام ماؤں کی طرح ان کا بھی حق ہے کہ وہ اپنے بیٹے کی خوشی کو منائے اور اس میں کسی قسم کی سیاسی مداخلت نا ہو۔
انہوں نے مزید کہا کہ ان کی عاجزانہ درخواست ہے کہ میڈیا اور تمام لوگوں سے کہ ان کی خاندان کی پرائیوسی کا احترام کیا جائے۔
انہوں نے پیغام کے آخر میں شکریہ لکھ کر معافی والا سمبل استعمال کیا۔
