لاہور (اعتماد نیوز ڈیسک) وزیر اعلٰی پنجاب عثمان بزدار کا دبنگ اقدام سامنے آگیا۔
تفصیلات کے مطابق، منگل کے روز صبح 11 بجے وزیر اعلٰی عثمان بزدار نے محکمہ ٹورزم کے سیکریٹریٹ کا اچانک دورہ کیا۔
موقع پر نا تو سیکریٹری موجود تھا اور نا ہی ایڈیشنل سیکریٹری جبکہ متعدد دفاتر کے لوگ بھی غیر حاضر تھے، جس پر وزیر اعلٰی نے ناراضگی کا اظہار کیا اور سیکریٹری کو او ایس ڈی جبکہ باقی اسٹاف کو معطل کرنے کا حکم دیا۔
جس پر عمل کرتے ہوئے، محکمہ ایس اینڈ جی اے ڈی نے سیکریٹری اور ایڈیشنل سیکریٹری کو واپس ایس اینڈ جی اے ڈی میں رپورٹ کرنے کا نوٹیفکیشن جاری کر دیا۔
دوسری طرف، وزیر اعلی نے بروز بدھ کو وزیراعلی آفس کا اچانک دورہ کیا اور اسٹاف کی حاضریاں چک کی۔
وزیر اعلٰی عثمان بزدار کی طرف سے بیانیہ جاری کیا گیا کہ آپ تمام افسر اپنا قبلہ درست کر لے وہ تمام دفاتر کے اچانک دورے کرینگے۔
ان کا کہنا تھا کہ سرکاری دفاتروں میں اب کسی قسم کی کوتاہی نہیں ہونی چاہئے اور مسائل کے لئے آئے سائلین کا جلد سے جلد مسئلہ حل کیا جائے۔
