اسلام آباد (اعتماد نیوز ڈیسک) مسلم لیگ نواز کے اہم رکن اور سابقہ وفاقی وزیر ایم این اے چوہدری محمد برجیس طاہر کے دعوے میں عوام میں کھلبلی مچا دی ہے ۔
میڈیا رپورٹس کے مطابق ، برجیس طاہر نے کہا ہے کہ پاکستان مسلم لیگ نواز کے قائد میاں نواز شریف کو چوتھی بار پاکستان کا وزیراعظم بننے سے دنیا کی کوئی طاقت نہیں روک سکتی۔
ان کا کہنا تھا کہ ایک نیازی پہلے تھا جس نے ملک کو دو حصوں میں تقسیم کیا تھا اور ایک عمران نیازی یہ ہے جس نے کشمیر بھارت کو دے دیا۔ ناصرف یہ بلکہ اس نے عوام کی زندگی اجیرن بنا کر رکھ دی ہے۔
انہوں نے بتایا کہ مسلم لیگ نواز کے دور میں جو اشیاء سستی تھیں اب غریب کی خریداری سے باہر ہو چکی ہیں۔
ان دعووں اور خیالات کا اظہار چوہدری محمد برجیس طاہر نے واربرٹن میں احتجاجی ریلی سے خطاب کے دوران خطاب کرتے ہوئے کیا، جبکہ اس موقع پر مسلم لیگ نواز کے ممبر صوبائی اسمبلی میاں اعجاز حسین بھٹی اور نواز لیگی کارکنوں کی ایک اچھی خاصی تعداد موجود تھی۔
