لاہور (اعتماد نیوز ڈیسک) پاکستان کے ٹیسٹ کرکٹر یاسر شاہ کو لے کر آیف آئی آر کی کاپی میڈیا پر چل رہی ہے، جس میں یہ کہا گیا ہے کہ یاسر شاہ نے ایک لڑکی سے ساتھ غلط کام کرنے میں مدد کی ہے۔
اس پر بات کرتے ہوئے، پاکستان کرکٹ بورڈ کے چئیرمین رمیز راجہ کا بھی بیان سامنے آیا ہے۔ ساج صادق کے مطابق، رمیز راجہ نے کہا ہے کہ وہ ابھی تک معاملے کی جانچ پڑتال میں مصروف ہیں اور حقائق جاننے کی کوشش کر رہے ہیں۔
ان کا مزید کہنا تھا کہ یہ کھلاڑی بین الاقوامی سطح پر پاکستان کی نمائندگی کرتے ہیں۔ میڈیا کی طرف سے ان کی اس طرح ہیڈ لائنز بنا کر چلانا اچھی بات نہیں ہے۔
انہوں نے مشورہ دیتے ہوئے کہا کہ یہ ہمارے لئے آزمائشی دُور ہے ہمیں تحمل کا مظاہرہ کرنا چاہئے۔
تاہم ابھی تک یاسر شاہ کی طرف سے کوئی بیان اس بارے میں سامنے نہیں آیا۔ جبکہ پی سی بی کی پہلی آفیشل اسٹیٹمنٹ کے مطابق بھی ابھی تک واضح حقائق سامنے نہیں آئے جس کی بنا بیان دیا جا سکے۔
