بل گیٹس نے پوری دُنیا کو خبر دار کر دیا، نئی آفت آنے والی ہے۔

امریکہ (اعتماد نیوز ڈیسک) کرونا کی نئی قسم اومیکرون اب سر اُٹھانے لگی ، کئی ملکوں سمیت پاکستان میں بھی اس کا کیس رپورٹ ہو گیا ہے۔

اسی صورت حال پر بات کرتے ہوئے، امریکہ کے مشہور بزنس مین بل گیٹس نے پیغام جاری کیا ، جس میں انہوں نے اومیکرون پھیلنے کے خدشے کا اظہار کیا۔

انہوں نے لکھا کہ جونہی ہماری زندگی کے معمول میں واپس آئے گی ، ویسے ہی ہم اس وبا کے بد ترین دُور میں شامل ہو جائینگے ۔ ان کا کہنا تھا کہ ہم سب کے گھروں میں اومیکرون آئے گا ۔

انہوں نے بتایا کہ ان کے قریبی دوست کو اومیکرون ہو گیا ہے ۔ جبکہ انہوں نے اسی صورت حال کے پیش نظر اپنی چھٹیوں کا منصوبہ بھی منسوخ کر دیا ہے ۔

دوسری طرف این سی او سی کے مطابق ، پاکستان میں اس وقت کرونا کے مثبت کیسز کی شرح 65۔0 فیصد ہے ۔ جبکہ ابھی تک پاکستان میں 14 کڑوڑ 40 لاکھ 64 ہزار 2 سو 45 لوگوں نے ویکسین لگوا لی ہے ، جس میں سے گزشتہ 24 گھنٹوں میں 13 لاکھ 52 ہزار 30 لوگوں نے ویکسین لگوائی ۔