نیو دہلی (اعتماد نیوز ڈیسک) گزشتہ روز بالی وڈ کے سپر اسٹار سلمان خان کو سانپ کے کاٹنے کی خبر سامنے آئی، جس کے بارے میں مزید اطلاع ملی کہ وہ متعدد گھنٹے ہسپتال میں رہنے کے بعد وہ اپنے فارم ہاؤس میں چلے گئے تھے۔
تاذہ ترین بھارتی میڈیا کی رپورٹ کے مطابق، سلمان خان ٹھیک ہونے کے بعد پہلی دفعہ میڈیا سے گفتگو کرنے کے لئے اپنے فارم ہاؤس سے باہر آئے۔ میڈیا سے بات چیت کرتے ہوئے، انہوں نے سانپ کے ساتھ ہونے والا واقعہ بتایا۔
انہوں نے بتایا کہ انہوں نے سانپ کو فارم ہاؤس میں داخل ہوتے دیکھ لیا تھا اور انہوں چھڑی کی مدد سے سانپ کو باہر نکالنے کی کوشش کی۔ جبکہ اسی کشمکش کے دوران، سانپ ان کے ہاتھ پر چڑھ گیا اور سیلمان خان کو تین دفعہ ان کے ہاتھ پر ڈسا۔
ان کا مزید کہنا تھا کہ وہ کسی حد تک زہرلا سانپ تھا۔ اس وجہ سے انہیں 6 گھنٹے تک اسپتال رکھا گیا جبکہ اب ان کی طبعیت کافی بہتر ہے۔
غیر ملکی خبر رساں ادارے کے مطابق، سلمان خان ان دنوں اپنی چھپنوی سالگرہ منانے کی غرض سے فارم ہاؤس میں ہیں۔
