کراچی (اعتماد نیوز ڈیسک) سپریم کورٹ کراچی رجسٹری میں گٹر باغیچہ کیس کی سماعت ہوئی، جس میں معزز فاضل جسٹس صاحبان اور کراچی کے ایڈمنسٹریٹر مرتضیٰ وہاب کے درمیاں تلخ کلامی ہوئی۔
جس کی وجہ سے عدالت نے فوراً مرتضی وہاب کو عہدے سے ہٹانے کا حکم نامہ جاری کر دیا۔
تفصیلات کے مطابق، مرتضیٰ وہاب کا دوبارہ معافی مانگنا کام آ گیا اور عدالت نے مرتضی وہاب کو کراچی کے ایڈ منسٹریٹڑ سے ہٹانے کا فیصلہ واپس لے لیا۔
مرتضی وہاب نے عدالت سے اپنی تلخ کلامی پر معافی مانگی تو جسٹس قاضی امین کا کہنا تھا کہ عدالت آپ کو عہدے سے ہٹا چکی ہے،
آپ ریاست نہیں حکومت ہو۔ ان کا کہنا تھا کہ ریاست اور حکومت میں فرق کا پتہ ہونا چاہئے۔
تاہم سماعت میں مختصر وقفہ کے بعد، عدالت نے مرتضی وہاب کی معافی قبول کر لی اور انہیں عہدے سے ہٹانے کا حکم واپس لے لیا۔
آپ کو بتاتے چلے کہ اس سے پہلے عدالت نے وزیراعلیٰ سندھ کو غیر جانبدار اور قابل شخص کو ایڈمنسٹریٹر کراچی لگانے کا حکم دیتے ہوئے مزید کہا کہ مرتضی وہاب ایڈمنسٹریٹر کراچی کے اہل نہیں۔
