لاہور (اعتماد نیوز ڈیسک) حکومت پنجاب کی طرف سے پورے پنجاب میں صحت کارڈ جاری کرنے کا شیڈول جاری کر دیا ہے ۔
تفیصیلات کے مطابق، وزیراعلیٰ پنجاب عثمان بزدار کی طرف سے شیڈول جاری کیا گیا ہے۔ وزیراعظم پاکستان جناب عمران خان صاحب آج پنجاب میں صحت کارڈ کا افتتاح کرینگے ۔
شیڈول کے مطابق، ڈیرہ غازی خان ڈویژن اور ساہیوال ڈویژن میں مقیم خاندانوں کو صحت کارڈ جاری ہو چکا ہے۔ جبکہ لاہور ڈویژن میں یکم جنوری 2022 کو جاری کیا جائے گا ۔
20 جنوری 2022 کو راولپنڈی ڈیوژن کے خاندانوں کو صحت کارڈ جاری کیا جائے گا ۔ 9 فروری 2022 کو فیصل آباد ڈیوژن کے خاندانوں کو صحت کارڈ جاری کیا جائے گا ۔
اسی طرح 22 فروری کو ملتان ڈیوژن، 2 مارچ کو بہاولپور ڈیوژن، 22 مارچ کو گوجرانوالہ ڈیوژن اور 31 مارچ کو سرگودھا ڈیوژن میں مقیم خاندانوں کو صحت کارڈ جاری کیا جائے گا ۔
وزیراعلی عثمان بزدار کے بیان کے مطابق، مارچ 2022 تک پنجاب میں مقیم تمام خاندانوں کو صحت کارڈ جاری کر دیا جائے گا۔ جس سے وہ رجسٹرڈ کسی بھی اچھے پرائیوٹ ہسپتال میں اپنا علاج کروا سکے گے ۔
