پاکستان (اعتماد ٹی وی) شاہ رخ جتوئی کی جیل کی بجائے ہاسپیٹل کے ٹاپ فلور پر ہر سہولت کے ساتھ رہائش، عثمان مرزا کیس میں مرعی لڑکی کا ملزمان کو پہچاننے سے انکار اور متاثرہ خاتون کی صلح صفائی کی بات سامنے آنے پر وزیراعظم عمران خان کا بھی اہم بیان سامنے آگیا۔
پارلیمانی سیکرٹری قانون و انصاف ملیکہ بخاری نے کہا کہ عثمان مرزا جیسے انسانیت دشمنوں کو نشان عبرت بنائیں گے اور ہر ایسے مجرم کے لیے عثمان مرزا کیس ایک مثال ہوگا سخت ترین سزائیں سنائی جائیں گی اور عثمان مرزا کیس کی مدعی خود ریاست پاکستان بنے گی اس کے علاوہ ٹویٹر پر ٹویٹ کے ذریعے پیغام جاری کرتے ہوئے فواد چوہدری کا کہنا تھا کہ عثمان مرزا کیس، جی ٹی روڈ کیس اور شاہ رخ جتوئی جیسے کیس ہمارے نظام انصاف کے لیے ایک چیلنج ہیں پراسیکیوشن اور عدلیہ اپنی ذمہ داری ایمانداری سے نبھائیں۔
وزیر وزیراعظم عمران خان نے وزارت قانون کو ہدایت کی ہے کہ عثمان مرزا کیس، شاہ رخ جتوئی اور جی ٹی روڈ کیس کی روزانہ کی بنیاد پر شنوائی کروائی جائے اور ان کو منطقی انجام تک پہنچایا جائے
