راولپنڈی (اعتماد ٹی وی) مری میں ہونے والے واقع نے پورے ملک میں سوگوار ماحول پیدا کر دیا۔ جس پر سختی سے ایکشن لیتے ہوئے حکومت نے انکوائری کرنے کا حکم دیا تھا۔
مری واقع پر ہونے والی انکوائری رپورٹ منظر عام پر آگئی، پی ڈی ایم اے کے واٹس ایپ گروپ میں بھیجی گئی موسمی رپورٹ کس نے کب دیکھی؟ سب منظر عام پر آگیا، افسران بالا کی دوڑیں لگ گئی، اصل کہانی سامنے آگئی۔
انکوائری کمیٹی میں ظفر نصراللہ خان، اڈیشنل چیف سیکٹری پنجاب کو کنوینر بنایا گیا، جبکہ علی سرفراز سیکٹری پنجاب، اسد گیلانی سیکٹری پنجاب اور فاروق مظہر ایڈیشنل آئی جی پولیس کو بطور ممبرز شامل کیا گیا ہے۔
انکوائری کمیٹی کی غیر دستخط شدہ رپورٹ سوشل میڈیا پر وائرل ہوئی جس میں دیکھا جا سکتا ہے کہ پنجاب ڈیزاسٹر مینجمنٹ اتھارٹی (پی ڈی ایم اے) کے گروپ کا معائنہ کیا گیا اور پتہ لگایا گیا کہ پی ڈی ایم نے موسم کے بارے میں کب وارننگ جاری کی اور کس کس نے اس وارننگ کو بروقت دیکھ کر عمل درآمد شروع کیا ؟
