افغانستان (اعتماد ٹی وی) پاکستانی وزیراعظم عمران خان بھی افغانستان کی عوام کے لیے بول پڑے۔ گزشتہ روز وزیراعظم عمران خان نے عالمی برادری پر زور دیا کہ وہ فاقہ کشی کے دہانے پر موجود لاکھوں افغانوں کو فوری انسانی بنیادوں پر ریلیف فراہم کرے۔
تفصیلات کے مطابق وزیر اعظم عمران خان نے اتوار کے روز پاکستانی عوام سے کہا کہ سب ان کی طرف سے شروع کیے گئے ایک بین الاقوامی مہم کا حصہ بنیں تاکہ افغانستان میں انسانی بحران کے بارے میں آگاہی پیدا کی جا سکے۔
اپنے ذاتی ٹویٹر اکاؤنٹ پر ٹویٹ کرتے ہوئے عمران خان نے Save Afghan Live کا ہیش ٹیگ استعمال کیا اور کہا کہ سب اپنی آواز بھی میرے ساتھ شامل کریں تاکہ لوگوں میں افغانستان میں پیدا ہونے والے انسانی بحران کے بارے میں آگاہی پیدا ہو۔ انہوں نے کہا کہ بین الاقوامی برادری کی ذمہ داری ہے کہ وہ اقوام متحدہ کے اصولوں کے تحت فاقہ کشی کے دہانے پر موجود لاکھوں افغانوں کو فوری امداد فراہم کرے۔
