اسلام آباد (اعتماد ٹی وی ) پاکستان کے وزیر اعظم عمران خان کے معاون خصوصی برائے احتساب شہزاد اکبر کے استعفے سے اعوانوں سمیت پورے ملک میں ہلچل مچ گئی ہے۔
شہزاد اکبر کے استعفی کے بارے میں حکومت کا بھی مؤقف سامنے آگیا، آخر وجہ کیا بنی؟ شہباز گل نے سب بتا دیا۔
جس پر بات کرتے ہوئے، پاکستان کے وزیراعظم عمران خان کے معاون خصوصی برائے سیاسی ابلاغ ڈاکٹر شہبز گل نے شہزاد اکبر کے استعفے کی وضاحت پر مبنی بیان جاری کیا۔
ڈاکٹر شہباز گل نے لکھا کہ شہزاد اکبر صاحب نے فیصلہ کیا ہے کہ وہ اپنے وکالت کے کیریر کو زیادہ وقت دینا چاہتے ہیں۔
اس کے ساتھ ساتھ وہ پی ٹی آئی کی جماعتی سرگرمیوں میں بھی حصہ لیتے رہیں گے۔ ہم ان کے اس نئے سفر کے لئے نیک تمناؤں کا اظہار کرتے ہیں۔
