اسلام آباد (اعتماد ٹی وی) پی ٹی وی نیوز کے مطابق تیل کی قیمتوں میں پھر سے اضافہ متوقع ہے۔
تفصیلات کے مطابق، یوکرین اور روس کے درمیان کشیدگی بڑھتی جا رہی ہیں جس کی وجہ سے عالمی منڈی میں تیل کی قیمتوں میں اضافہ ہوا ہے۔
اس طرح عالمی منڈی میں خام تیل کی قیمت 90 ڈالر فی بیرل سے بھی تجاوز کر گئی ہے۔
جبکہ دوسری طرف امریکی تیل کے سب سے بڑے ذخیرے میں لگاتار تیسرے ہفتے بھی 8۔1 ملین بیرل کمی نوٹ کی گئی ہے۔
تجزیہ نگار کے مطابق، اس طرح خام تیل کی قیمت کچھ عرصے میں 100 ڈالر فی بیرل تک پہنچنے کا امکان ہے۔
تاہم عوام کی طرف سے اس بات پر مسلسل احتجاج ریکارڈ کروایا جا رہا یے کہ تیل کی بڑھتی قیمتوں کی وجہ سے عوام کی کمر ٹوٹ گئی ہے۔
مہنگائی میں خوش روبا اضافے نے عوام کا جینا مشکل کر دیا ہے۔ پٹرول کی قیمتوں میں اضافے کی وجہ سے ہر چیز کی قیمت میں اضافہ ہو جاتا ہے جس عوام کو شدید مشکلات سامنا کرنا پڑتا ہے۔
تجزیہ نگار کے مطابق، موجودہ حکومت کے لئے یہ بہت اہم مسئلہ کیونکہ پنجاب میں بھی بلدیاتی انتخابات ہونے جا رہے ہیں۔
ایسی صورت حال میں، مہنگائی میں اضافے سے حکومت کو نقصان اٹھانا پڑ سکتا ہے۔
