سیاست (اعتماد ٹی وی) وزیراعظم عمران خان کی پارٹی تحریک انصاف کو ایک اور دھچکا لگ گیا۔ جے یو آئی ایف کی طرف سے اعلان کیا گیا کہ انہوں نے پی ٹی آئی کی ایک اور وکٹ گرا دی ہے جس کا علان وہ مالاکنڈ جلسے میں کریں گے۔
تفصیلات کے مطابق جے یو آئی ایف کی طرف سے دعویٰ کیا گیا ہے کہ انہوں نے حکومتی سینیٹر فدا حسین کے بیٹے احتشام خان فدا کو اپنی پارٹی میں شمولیت کے لئے منا لیا ہے۔ جس کا باقاعدہ اعلان وہ مالاکنڈ کے جلسے میں کریں گے اور تقریب سے خطاب بھی کریں گے۔ اس کے ساتھ انہوں نے مزید بتایا کہ مالاکنڈ جلسے کی تیاریاں بھی مکمل کر لی گئی ہیں جس میں نے صوبائی امیر سینیٹر مولانا عطاء الرحمان سمیت دیگر رہنما شریک ہوں گے۔
دوسری طرف حکومت نے عوام کو مزید پریشانی میں ڈال دیا اور پٹرول کی قیمت کو دس روپیے تک بڑھانے کا فیصلہ کر لیا۔ عوام حکومت کے اس فیصلے کے خلاف سراپا احتجاج ہے۔ یاد رہے پٹرول کی قیمتوں میں یہ اضافہ عالمی منڈی میں قیمتوں کے اضافے کے باعث کیا جا رہا ہے اور عالمی منڈی میں قیمتوں میں اس قدر اضافہ سات سال کے بعد دیکھا گیا ہے
