پاکستان (اعتماد ٹی وی) وزیراعظم عمران خان نے کہا ہے کہ ملک میں بہت سی ریفارمز کی ضرورت ہے لیکن اگر آپ ریفارم کرنا نہیں چاہتے تو سب کو خوش کرسکتے ہیں۔ بل پاس کرانے کے لیے اکثریت کی ضرورت ہے، ہم قومی اسمبلی سے بل پاس کراتے ہیں تو سینیٹ میں پھنس جاتے ہیں۔ حکومت کی سمت واضح ہے تاہم 18 ویں ترمیم کے بعد بہت سے مسائل کا سامنا ہے۔
تو ہم خوشحالی کو کیسے یقینی بنائیں۔
وزیراعظم عمران خان نے سابق سفارتکاروں اور تھنک ٹینک کے نمائندوں سے گفتگو میں کہا کہ ہماری معیشت درست سمت میں ہے لیکن ملک میں اشیا کی قیمتیں یکساں ہونی چاہئیں۔ سندھ میں اور پنجاب میں گندم الگ الگ قیمت پر فروخت ہو رہی ہے، ایک ملک میں گندم کی قیمت ایک ہی ہونی چاہیے، چین میں ایک فیصلہ ہو جاتا ہے تو سب جگہ عمل درآمد ہوتا ہے۔
چین کا دورہ انتہائی اہمیت کا حامل تھا، 2019 کے بعد کورونا آگیا اور چین میں سب کچھ بند ہو گیا، چینی قیادت نے ہم پر مکمل اعتماد کا اظہار کیا، دورہ چین کے بعد ہمارے تعلقات مزید مضبوط ہوں گے۔
