لاہور ( اعتماد ٹی وی) گزشتہ روز بل گیٹس کے دورہ پاکستان کے متعلق سوشل میڈیا پر ن لیگی سنئیر رہنما احسن اقبال نے بیان دیا ۔ احسن اقبال نے ٹوئٹ ایک تصویر کے ساتھ تحریر کیا ، جس میں وزیر اعظم عمران خان اور بِل گیٹس آمنے سامنے وزیر اعظم آفس میں براجمان تھے۔
احسن اقبال کا کہنا ہے “مہمانوں کے ساتھ ادب و احترام سے پیش آنا ہماری ثقافت اور مذہب کا حصہ ہے۔ لیکن وزیراعظم آفس میں بل گیٹس کو وزیراعظم کے مد مقابل ایسے بیٹھے دیکھ کر اچھا محسوس نہیں ہوا۔ بل گیٹس کسی کے ماتحت سیکرٹری یا اہلکار نہیں ہیں”۔
اس کے ساتھ ساتھ انھوں نے پاکستان جی ڈی پی ، مائیکروسافٹ کی مالیت اور سالانہ برآمدوت و سالانہ آمدنی کا بھی جائزہ لیا ہے ۔
اُن کا کہنا ہے کہ مائیکرو سافٹ کی مالیت 460 ملین ڈالر ہی اس کے مقابلے میں پاکستا کی جی ڈی پی 280 بلین ڈالر ہے اور مائیکروسافٹ کی سالا نہ آمدنی 160 بلین ڈالر ہے جبکہ ہماری سالانہ برآمدات 25 بلین ڈالر ہیں ۔
احسن اقبال کے اس ٹوئٹ پر عمران خان کے خصوصی معاون شہباز گل نے تنقید کر تے ہوئے طنزیہ جواب دیا کہ احسن اقبال صاحب ! کہیں آپ پچھلے جنم میں ساس تو نہیں تھے؟؟
شہباز گل کے اس جواب کو صارفین نے کافی پسند کیا ہے اور اس پر میمز بھی بنائے جار ہے ہیں۔
