لاہور ( اعتماد ٹی وی ) آسٹریلوی کھلاڑی جمیز فوکنر نے سوشل میڈیا پر ٹوئٹ کیا کہ وہ پی ایس ایل چھوڑ کر جا رہے ہیں اور اس کی وجہ کوئٹہ گلیڈی ایٹر اور پاکستان کرکٹ بوڑ کا معاہدہ پورا نا کرنا اور پیسے نا دینا ہیں ۔ جبکہ ایسا کرنے پر انہوں نے پاکستانی فینز سے معذرت بھی کی اور مزید کہا کہ وہ پاکستان میں بین الاقوامی کرکٹ واپس لانا چاہتے تھے۔
تفصیلات کے مطابق ، پی سی بی کی طرف سے اس پر تفصیلی رپورٹ جاری کی گئی، جس میں بتایا گیا کہ:
دسمبر 2021 میں آسٹریلیوی کھلاڑی جیمز فوکر کے ایجنٹ کی طرف سے برطانیہ کے بنک اکاؤنٹ کی تفصیلات دی گئی، جس میں جیمز فوکر کی فیس ٹرانسفر کرنی تھی۔
پھر جنوری 2022 میں، فوکر کے ایجنٹ نے آسٹریلیا کا آن شور بنک اکاؤنٹ دیا، جس پر انہوں نے کہا کہ ان کے پہلے اکاؤنٹ کی بجائے اس اکاؤنٹ میں پسے بھیجے جائے۔ جبکہ اس سے پہلے، 70 فیصد جیمز فوکر کی فیس پہلے دئے گئے برطانیہ کے اکاؤنٹ میں بھیج دی گئی تھی، جو کہ فوکر نے خود بھی کنفرم کی تھی۔
معاہدے کے مطابق، 30 فیصد باقی فیس پی ایس ایل کے مکمل ہونے کے 40 دن بعد دی جانی تھی، جو کہ اب موجودہ صورت حال کے پیش نظر دی جائے گی۔
ادا کی گئی رقم کے باوجود، جمیز اس بات پر مسلسل اصرار کر رہا تھا کہ وہی رقم جو برطانیہ کے اکاؤنٹ میں بھیجی گئی تھی، اتنی رقم پھر اس کے آسٹریلیا کے اکاؤنٹ میں بھیجی جائے۔ جس کا مطلب ہے کہ جیمز کو دو دفعہ فیس دی جائے۔
جیمز نے جمعہ کو ملتان سلطان کے خلاف کھیلے جانے والے میچ میں نا کھیلنے کی بھی دھمکی دی تھی اگر اس کی فیس دوبارہ ادا نا کی گئی تو۔
اس سارے معاملے کے بعد، پاکستان کرکٹ بورڈ کی طرف سے جیمز سے ملاقات کی گئی۔ پی سی بی کے مطابق، ملاقات میں جیمز کا رویہ قابل اعتراضات تھا، لیکن اس کے باوجود بھی پی سی بی کی طرف سے اس بات کی تسلی کی دی گئی کہ وہ میچ کھیلے اور اس کے تمام جائز مطالبے پورے کئے جائینگے۔
لیکن جیمز نے کھیلنے سے انکار کیا اور کہا کہ اس کے واپس جانے کی تیاری فوراً کی جائے۔
اس سارے معاملے میں، پی سی بی جیمز کے ایجنٹ کے ساتھ مسلسل رابطے میں رہی لیکن ان کا ایجنٹ بھی اس معاملے میں افسردہ اور شرمندہ تھا۔
ہفتے والے دن جانے سے پہلے، فوکنر کی طرف سے ہوٹل میں موجودہ چیزوں کو نقصان پہنچایا گیا، جس کی ہوٹل انتظامہ کو قیمت ادا کی گئی۔
جبکہ اس کے بعد، پی سی بی کو ایمیگریشن کیطرف سے بھی شکایات موصول ہوئی کہ جیمز نے ان سے بدتمیزی کی ۔
اس سارے میں معاملے کے پیش نظر ، پی سی بی کی طرف سے یہ فیصلہ کیا گیا کہ جمیز فوکنر کے اس رویے اور معاہدے کی پاسداری نا کرنے کے ساتھ پی سی بی اور پی ایس ایل کی ناموس کو نقصان پہچانے کی کوشش کی وجہ سے اب آئندہ سے اس کو پی ایس ایل میں کھیلنے کی اجازت نہیں دی جائے گی۔
