عمران خان کا روس کا دورہ کرنے کا مقصد صرف اور صرف۔۔ حنا پرویز بٹ نے وزیراعظم عمران خان کے روس میں پہلے دورے کی اصل وجہ بتا دی۔۔

my_admin_user3 years ago3 years ago01 mins

اسلام آباد (اعتماد ٹی وی) وزیراعظم عمران خان روس کے صدرولادی میر پیوٹن کی خصوصی دعوت پرآج ماسکو کا دوروزہ دورہ کریں گے۔ وزیراعظم عمران خان کا یہ پہللا روسی دورہ ہے۔

 

 

‏مسلم لیگ (ن) کی ایم پی اے حنا پرویز بٹ نے اپنے ٹویٹر پیغام میں کہا کہ عمران خان کے روس کے دورے کرنے کا مقصد صرف اور صرف جوبائیڈن کیطرف سے کال نہ کرنے کے غم کو کچھ حد تک کم کرنے کی کوشش ہے۔

 

 

وزارت خارجہ کی جانب سے جاری کردہ شیڈول کے مطابق وزیراعظم کے ہمراہ وفاقی کابینہ کے ارکان سمیت اعلیٰ سطح کا وفد بھی ساتھ ہوگا۔ وزیراعظم اپنے روسی ہم منصب سے بات چیت کریں گے، جس میں دونوں رہنما توانائی کے تعاون سمیت دونوں ملکوں کے دوطرفہ تعلقات کی تمام صفوں کا جائزہ لیں گے۔

 

 

وزیرِ اعظم عمران خان کا دورہ ماسکو ایک ایسے موقع پر کیا جا رہا ہے جب مغربی ممالک اور روس کے درمیان یوکرین کے معاملے پر کشیدگی بظاہر بلند ترین سطح پر ہے اور پیر کی شب روس کے مشرقی یوکرین میں باغیوں کے زیر کنٹرول علاقوں کو بطور آزاد ریاستیں تسلیم کرنے کے فیصلے کے اعلان کے بعد سے اس میں مسلسل اضافہ ہو رہا ہے۔

 

 

دفتر خارجہ نے ایک بیان میں کہا کہ وہ اسلامو فوبیا اور افغانستان کی صورتحال سمیت اہم علاقائی اور بین الاقوامی امور پر بھی وسیع پیمانے پر تبادلہ خیال کریں گے۔ آخری بار کسی منتخب پاکستانی وزیر اعظم نے مارچ 1999 میں روس کا دورہ کیا تھا۔ اس وقت کے وزیر اعظم نواز شریف تھے جنہوں نے ملک روس کا دورہ کیا تھا۔ اس کے بعد روسی صدر اور پاکستانی وزیر اعظم کے درمیان مختلف عالمی فورمز پر متعدد غیر رسمی ملاقاتیں ہو چکی ہیں۔