آرمی چیف جنرل قمر جاوید باجوہ سے آسٹریلیا کے چیف آف ڈیفنس فورس (سی ڈی ایف) جنرل اینگس جے کیمبل نے ملاقات کی۔ پاک فوج کے شعبہ تعلقات عامہ (آئی ایس پی آر) کے مطابق ملاقات میں ملٹری ٹو ملٹری سطح پر تعاون سمیت باہمی دلچسپی کے امور پر تبادلہ خیال کیا گیا۔
آئی ایس پی آر کے مطابق ملاقات میں مجموعی علاقائی سیکیورٹی بالخصوص افغانستان کی صورتحال پر تبادلہ خیال کیا گیا۔ آئی ایس پی آر کے مطابق ملاقات میں دونوں نے خطے میں امن و سلامتی کے لیے کوششوں سمیت دوطرفہ تعلقات اور دفاعی تعاون کو مزید بڑھانے کی خواہش کا اظہار بھی کیا گیا
اس موقع پر آرمی چیف جنرل قمر جاوید باجوہ نے کہا کہ پاکستان آسٹریلیا کے ساتھ اپنے تعلقات کو بہت اہمیت دیتا ہے۔ آئی آیس پی آر کے مطابق آسٹریلوی چیف آف ڈیفنس فورس نے پاک فوج کی پیشہ ورانہ مہارت کو تسلیم کیا اور انہوں نے افغان صورتحال میں پاکستان کے کردار، بارڈر مینجمنٹ کے لیے خصوصی کوششوں اور علاقائی استحکام م میں اس کے کردارکو سراہا۔
