ریٹائرڈ پولیس افسران کی موجیں لگ گئی، نوٹیفکیشن جاری

my_admin_user3 years ago01 mins

حکومت کا بڑا قدم ! عوام میں غصہ کی لہر۔

 

 

لاہور (اعتماد ٹی وی) بڑھتی ہوئی مہنگائی سے پاکستان کا ہر طبقہ پریشان ہے لیکن حکومت نے اس سلسلے میں کوئی بھی اقدامات نہیں کئے اُلٹا اس میں اضافہ ہی کیا ہے۔ کبھی پیٹرول ، بجلی اور کبھی سبزیاں ،دالیں سب کی قمیتوں میں اضافہ ہی ہوا ہے کمی کہیں نہیں۔

 

 

چیف سیکرٹری پنجاب نے مہنگائی کی مد میں نوٹس لیا اور پولیس کے شعبے میں مہنگائی کے ستائے ہو ئے سابق آئی جیز کے نوٹیفکیشن جاری کیا ہے۔ حکومت نے آئی جیز کے لئے ماہانہ ایک لاکھ کی رقم تک کی سہولت مقرر کی ہے۔ اور س کا اعلامیہ جاری کر دیا گیا ہے۔

 

 

انھوں نے سابق آئی جیز کے لئے دئیے گئے ریلیف کا اطلاق جنوری 2022 سے کیا ہے۔ ایک لاکھ کی رقم کے استعمال کی فہرست کچھ اس طرح ہو گی سابق آئی جیز کو بجلی اور ٹیلفون کے بل کے لئے ماہانہ 25 ہزار ماہانہ ملیں گےجبکہ گیس کے لئے 8250 روپے دئیے جائیں گے۔

 

 

20670 کی رقم اردلی کے لئے مختص کی جائے گی اور اس کے ساتھ ساتھ ڈرائیور کے لئے 23580روپے کی رقم دی جائے گی نیز 200 لیٹر تک پیٹرول بھی مفت فراہم کیا جائے گا ۔ یہ کل رقم ایک لاکھ تک بنتی ہے۔

 

 

اس اعلان نے عوام کو خاصا مشتعل کیا ہے کہ سابق آئی جیز کی تنخواہ یقیناً مزدوری کرنے والے سے کئی گنا زیادہ ہے ۔ تو حکومت کو عوام نظر نہیں آ رہی ۔ عوام کا سوال ہے کہ ایک لاکھ تک تنخواہ لینے والا زیادہ سہولیات کا حق دار ہے یا 10 ہزار کمانے والے اور دھیاڑی دار مزدور۔