فہد مصطفی اور عامر لیاقت کے درمیان مقابلہ شروع ہو گیا، عامر لیاقت حسین نے اپنے۔۔

my_admin_user3 years ago01 mins

کراچی (اعتماد ٹی وی) پاکستان میں مختلف ٹی وی چینلز پر گیم شوز دکھائے جاتے ہیں۔ فہد مصطفی، عامر لیاقت، دانش تیمور اس وقت گیم شوز کی میزبانی کررہے ہیں تاہم ان میں سے بہتر کون ہے اس پر لوگوں کی آرا مختلف ہیں۔

 

 

ٹی وی کے معروف اداکار نبیل کا کہنا ہے کہ فہد مصطفیٰ گیم شو کی میزبانی عامر لیاقت سے زیادہ اچھی کرتے ہیں۔ نبیل نجی ٹی وی چینل کے شو ’’جشن کرکٹ‘‘ میں شریک ہوئے جہاں انہوں نے میزبان کے ساتھ دلچسپ نوک جھونک کی۔ میزبان نے نبیل سے سوال پوچھا کیا فہد مصطفیٰ عامر لیاقت سے اچھا گیم شو ہوسٹ کرتے ہیں؟ اس سوال کے جواب میں نبیل نے کہا ’ہاں‘۔

 

 

شو کے دوران اداکار نبیل نے بتایا کہ پہلی فلم ناکام ہونے کے بعد توبہ کرلی تھی کہ آئندہ فلم نہیں کروں گا۔ اداکار نبیل نے اپنا تھیٹر کا تجربہ بتایا کہ تھیٹر میں کام کرکے پیسہ نہیں صرف تالیاں ملتی ہیں۔ نبیل نے بتایا کہ انہیں اپنے شہرہ آفاق ڈرامے ’’دھواں‘‘ سے زیادہ ڈراما ’’عجائب خانہ‘‘ پسند ہے۔

 

 

اپنے سٹ کام ’’بلبلے‘‘ کے بارے میں نبیل نے کہا کہ ڈراما ’’بلبلے‘‘ وہ پیسوں کے لیے نہیں کرتے بلکہ یہ ڈراما ہمیشہ سے انہیں بہت پسند ہے۔

نبیل نے بتایا جب میں نے ’’بلبلے‘‘ ڈراما شروع کیا تھا تو اس وقت میرے پاس پیسے نہیں تھے لہذا میں نے پیسے بچانے کے لیے ڈرامے میں خود کو ہی کاسٹ کرلیا تھا۔ بعد ازاں یہ ڈراما لوگوں کو اتنا پسند آیا کہ گزشتہ 12 برسوں سے لوگ اسے دیکھ رہے ہیں۔