گورنر پنجاب چوہدری محمد سرور سے یورپین یونین کے وفد کی اہم ملاقات؛ پاکستان کی طرف سے شکریہ ادا کرنے کے ساتھ ساتھ مزید یقین دہانی بھی کروائی گئی۔

my_admin_user3 years ago01 mins

گورنر پنجاب چوہدری محمد سرور کی یورپین یونین کے وفد سے اہم ملاقات۔

 

 

ذرائع کے مطابق ، یورپی یونین کے نمائندہ خصوصی نے سفیر پاکستان سمیت پانچ رکنی وفد نے لاہور گورنر پنجاب چوہدری محمد سرور سے ملاقات کی۔یورپی یونین نمائندہ خصوصی ایمون گلمور برائے انسانی حقوق نے پاکستان کی امن کے حق میں کی گئی تمام کوششوں کی تعریف کی ہے۔

 

 

نمائندہ خصوصی نے پاکستان میں اقلیتوں کے تحفظ کے سلسلے میں کئے گئے اقدامات کو سراہا ۔ گورنر پنجاب چوہدری محمد سرور نے گورنر ہاؤس میں یہ ملاقات کی۔

 

 

یورپی یونین کے نمائندہ خصوصی ایمون گلمور نے پاکستان میں موجود یورپی یونین کے سفیر اینڈولا کمنارا کو ملاقات میں شامل کیا ۔

 

 

اس ملاقات میں یورپی یونین سے پاکستان کے تعلقات کو مزید مضبوط کرنے لئے تجارت کو فروغ دینے کی بات کی۔ ا س کے ساتھ ساتھ جی ایس پی پلس اسٹیٹس کی مدت بڑھانے کے متعلق تبادلہ خیال کیا گیا اور پاکستان میں اقلیتوں کے تحفظ میں اعتماد کا اظہار کیا گیا۔

 

 

گورنر پنجاب نے بھارت میں اقلیتوں کے ساتھ کی گئی ناانصافیوں پر روشنی ڈالی اور بھارت کے کشمیریوں پر کئے غلط کام کو ظاہر کیا۔

 

 

گورنر پنجاب چوہدری محمد سرور نے یورپی یونین کا جی ایس پی پلس معاہدہ میں توسیع پر شکریہ ادا کیا اور بتایا کہ اس توسیع سے پاکستان کی برآمدات 2014 کے مقابلے میں دوگنا زیادہ ہو گئی ہیں اور پاکستان کو بیس ارب سے زیادہ فائدہ ہوگا۔

جی ایس پی پلس پاکستان کی معشیت میں اہم کردار ادا کرتا ہے۔ اس معاہدے میں یورپی یونین کی طرف سے عائد کردہ 27 شرائط کو پاکستا ن نے پورا کیا ہے۔ ان میں انسانی فلاح کے حقوق ، خواتین کے حقوق ، اقلیتی حقوق وغیرہ شامل ہیں۔