8 مارچ عورتوں کا دن اور ایک گھنوؤنا سچ۔
لاہور (اعتماد ٹی وی) 8 مار چ گزشتہ کچھ سالوں سے ایک متنازع دن کی شکل اختیار کر چکا ہے۔ 8 مارچ کو عورتوں کا دن کہا جاتا ہے ۔ لیکن اب اس دن کا احترام و تقدس پامال کیا جا چکا ہے۔ مشرقی ممالک کی عورتیں مردوں سے برابری کے حقوق کا مطالبہ کرتی نظر آتی ہیں۔ اور اس حوالے سے مختلف بینرز اُٹھائے پھرتی ہیں۔
8 مارچ کے دن اس سال کوئی عورت مارچ تو نظر نہیں آیا لیکن کراچی میں ایک ایسا احتجاج دیکھنے میں آیا ہے جس میں پاکستان تحریک انصاف کی خواتین ارکان نے اپنی ہی پارٹی سے متعلقہ افراد پر ہراسانی کا مقدمہ درج کروایا ہے۔
کراچی کے شاہ لطیف ٹاؤن تھانہ میں پاکستان تحریک انصاف کی خواتین ونگ کی عہدیدار صنوبر خان نے مقدمہ درج کروایا۔ مقدمہ نمبر 293 ،سال 2022 بجرم دفعات 354،504 اور 506/34 کے تحت پاکستان تحریک انصاف کے کارکن ارسل اور نامعلوم افراد کے خلاف مقدمہ درج کروایا۔
صنوبر خان نے بتا یا کہ وہ پاکستان تحریک انصاف کے خواتین ونگ کی ورکر ہیں اور قائد آباد چوک ملیر پل کے نیچے لگائے گئے لیڈیز کنٹینر پر موجود تھیں جو کہ پاکستان تحریک انصاف کے استقبال کے لئے لگا یا گیا تھا۔
مدعی نے بتایا کہ میرے ساتھ لیڈیز ونگ کی امبرین اور دیگر ورکرز بھی موجود تھیں۔ ہم لوگ وہاں استقبالیہ میں کھڑے تھے۔ ایسے میں ایک پاکستان تحریک انصاف کے کارکن ارسل خان اپنے ساتھ 10 سے 12 نامعلوم افراد کو لئے لیڈیز کنٹینر پر چڑھ آئے۔
ان تمام افراد نے کنٹینر پر چڑھ پر ہمیں ہراساں کیا اور میرے ساتھ غلط زبان کے استعمال کے ساتھ ساتھ غلط حرکات کرنے لگے۔ تمام افراد نے بچ بچاؤ کرا کر ان افراد کو کنٹینر سے اُتار ا ۔ کنٹینر سے اُترنے کے بعد بھی ارسل خان گالم گلوچ کرتا رہا۔ اس تمام واقعہ کی گواہ لیڈیز ونگ کی امبرین اور دیگر عہدیدران بھی ہیں۔
پولیس نے تمام تر واقعے کا اندراج کرنے کے بعد معاملے کو تحقیق کے لئے انویسٹی گیشن پولیس کے حوالے کر دیا ہے۔
