اسلام آباد (اعتماد ٹی وی) وفاقی وزیر داخلہ نے اسلام آباد میں میڈیا میں پارلیمنٹ لاجز واقعے کی شدید مذمت کی ۔ انھوں نے کہا کہ سیاست اس کو نہیں کہتے کہ آپ قانون ہاتھ میں لینا شروع کر دیں۔ اور 50 لوگوں پارلیمنٹ لاجز میں لا کر پولیس پر غلط کام کریں۔ 5 پولیس اہلکا ر زخمی ہوئے ہیں۔ پارلیمنٹ لاجز میں ارکان اسمبلی کی ان کے خاندان رہائش پذیر ہیں۔
وزیر داخلہ نے مزید کہا کہ پہلے بھی کہا تھا کسی کو قانون ہاتھ میں لینے نہیں دیں گے آج بھی یہی کہتا ہوں کہ باز آجائیں قانون کو ہاتھ میں نہ لیں ورنہ قانون ان سے نپٹنا خوب جانتا ہے۔ اگر مخالف تنظیموں کے پاس 172 لوگ نہیں ہیں تو اس کا یہ مطلب نہیں کہ ہاتھا پائی پر اُتر آئیں گے۔
شیخ رشید نے کہا کہ اب اگر ایسا کوئی واقعہ ہوا تو ان پر دفعات لگا کر پرچہ کاٹا جائے گا ۔ ہم قانون ہاتھ میں لینے والوں کو کھلی چھوٹ نہیں دیں گے ۔ کچل کر رکھ دیں گے خواہ وہ کسی بھی پارٹی کا سربراہ اور طاقتور شخصیت ہی کیو ں نہ ہو۔
وفاقی وزیر داخلہ نے کہا ہمیں اچھی اطلاعات موصول نہیں ہورہی۔ اس پر بھی ہم نے واقعے میں ملوث افراد کے خلاف ایف آئی آر میں کوئی جھوٹی دفعات شامل نہیں کی۔ آپ سے کہا تھا کہ 172 بندے لے آئیں اور جیت جائیں اگر آپ کے پاس بندے پورے نہیں تو ایسے اوچھے ہتکھنڈے اپنانے سے وہ مکمل نہیں ہو جائیں گے۔ گیٹ پر قبضہ کر کے اپنے بندے پارلیمنٹ لاجز میں داخل کیے اور کامران مرتضیٰ پولیس کے لئے نازیبا کلمات استعمال کر تا رہا۔
یہ جمہوریت نہیں ہے اور نہ ہی جمہوریت کا مطلب مخالفت میں اس حد تک بڑھنا کے ملکی اداروں کے ہی خلاف بولنا شرو ع کر دیں۔ فوج حکومت کے ساتھ کھڑی ہے۔ پاکستان نے روس و یوکرین تنازعہ میں غیر جانبداری کا مظاہر ہ کر کے معاملہ فہمی کا ثبوت دیا ہے۔
