لاہور ( اعتماد ٹی وی ) پاکستان تحریک انصاف سے متعلقہ افراد کے تحریک عدم اعتماد کے حوالے سے بیانات کا سلسلہ جاری و ساری ہے ۔ ان کے خیال میں یہ تحریک عدم اعتماد نہیں بلکہ حکومت کے تحریک اطمینان کا باعث ہے۔ اب وزیر اعظم نے خود کہا کہ یہ تحریک نہ پہلے کامیاب ہوئی ہے نہ اب ہو گی۔
پاکستان تحریک انصاف کے صدر عمران خان کی صدرات میں کور کمیٹی کا اجلاس ہوا اس اجلاس میں تحریک عدم اعتماد سے متعلقہ فیصلے کیے گئے۔ اس ہی اجلاس میں فیصلہ کیا گیا کہ حکومت اپنے اتحادیوں سے رابطے ہموار کر ے گی۔
اور اس تحریک کو ناکام بنانے کی تیاری کر لی گئی ہے ۔ اس حوالے سے پاکستان تحریک انصاف ایک بڑا جلسہ اسلام آباد میں ڈی چوک پر کرے گی۔
ڈی چوک جلسے کی تاریخ اسد عمر نے بتا دی ہے کہ 27 مارچ 2022 کو جلسہ کیا جائے گا جس میں ملک بھر سے لوگ شامل ہوں گے ایک اندازے کے مطابق تقریبا! دس لاکھ لوگ اس جلسے میں شرکت کریں گے۔
اسد عمر نے کہا کہ یہ جلسہ ملکی تاریخ رقم کرے گا۔ ایسے لوگ جو ذاتی مفاد کے لئے ملک کو ترقی سے روک رہے ہیں اور ملک کے مستقبل سے کھیل رہے ہیں ان سب کو سبق سکھانے کا وقت آ گیا ہے۔
