آن لائن ( اعتماد ٹی وی ) تامل انڈسٹری کی مشہور فلم باہو بلی کی بگ ہٹ سیریز کے بعد کے جی ایف فلم نے تامل انڈسٹری کو عروج پر پہنچا دیا۔ اداکار یشھ کی تمام فلمز میں سے کے جی ایف نے ریکارڈ توڑ بزنس کیا ۔
اور اداکار کی شہرت میں راتوں رات اضافہ ہو گیا۔ کے جی ایف کو بھی باہو بلی کی طرح دو حصوں میں بنانے کا فیصلہ کیا گیا۔
کے جی ایف چیپٹر ون کا اختتام انتہائی سنسنی خیز موڑ پر کیا گیا کہ شائقین کی ایک بڑی تعد اد کے جی ایف چیپٹر ٹو کا بے صبری سے انتظار کرنے لگی ۔ لیکن یہ فلم ریلیز نہ ہوئی ۔ گزشتہ دو برس کورونا وباء کی وجہ سے سینما گھروں پر پابندی عائد کی گئی تھی جس کی وجہ سے بہت سے پروڈیوسرز اپنی فلمز کو نیٹ فلیکس پر ریلیز کرنے پر مجبو ر ہو گئے۔
کے جی ایف 2 کے ڈائریکٹر و پروڈیوسر نے انتظار کرنے کو ترجیح دی کیونکہ جتنی بڑی لاگت کی یہ فلم بنی تھی اگر اس کو نیٹ فلیکس پر ریلیز کر کے نقصان بگھتنا پڑتا ۔ اس لئے انھوں نے پابندیاں ختم ہونے کا انتظار کیا اور شائقین کے صبر کو آزمایا۔ گزشتہ روز بنگلور میں کے جی ایف 2 کا ٹریلر بڑے پیمانے پر ریلیز کیا گیا۔
ٹریلر ریلیز کے موقع پر کے جی ایف 2 کی تمام ٹیم موجود تھی اس فلم کو تیلگو کے علاوہ ہندی زبان میں بھی ریلیز کیا جائے گا۔ فلم کا ٹریلر بھی ہندی زبان میں ریلیز کیا گیا۔
کسی بھی فلم کے ٹریلر کو اتنے بڑے پیمانے پر پہلی بار ریلیز کیا گیا ہے ۔ فلم 14 اپریل کو سنیما گھروں میں ریلیز کیا جائے گی۔ اس فلم میں سنجے دت کے ساتھ روینہ ٹنڈن بھی اہم کردار ادا کرتی نظر آئیں گی۔ فلم کو 5 زبانوں میں ایک ساتھ ریلیز کیا جائے گا ۔ جس میں ہندی ، تیلگو ، مالیالم، تامل اور کنٹر زبانیں شامل ہیں۔
کے جی ایف پارٹ 1 سال 2018 میں بننے والی تمام تر فلموں میں مہنگی ترین فلم تھی جس کا بجٹ قریباً 800 ملین روپے تھا ۔ اس فلم کے رائٹر و ڈرائریکٹر پرشانت نیل ہیں اور پروڈیوسر وجے کیرا گندور ہیں۔ فلم پارٹ ون کی طرح پارٹ ٹو بھی ایکشن سے بھرپور اور زبردست ڈائیلاگز پر مشتمل ہے۔
