عمران خان کے ساتھ تھا ، ہوں اور مرتے دم تک رہوں گا ۔میاں محمود الرشید
لاہور ( اعتماد ٹی وی ) پاکستان تحریک انصاف کی حکومتی ہار کے بعد کچھ عناصر کی جانب سے اب موجود کارکن کے متعلق جھوٹی خبریں پھیلائی جا رہی ہیں۔
جیسا کہ پہلے فیاض الچوہان کے متعلق کہا گیا کہ موجودہ حالات کی وجہ سے انھوں نے پارٹی کو چھوڑ دیا ہے بعد ازاں فیاض الچوہان نے خود میڈیا پر لائیو آ کر اس بیان کی تردید کی تھی کہ ایسا کبھی نہیں ہو سکتا ۔ پی ٹی آئ کے ساتھ اور اس کے ساتھ ہی رہوں گا جیسے مرضی حالات آئیں۔
اب ایسا ہی ایک رکن پاکستان تحریک انصاف میاں محمود الرشید کے متعلق کہا جا رہا ہے کہ وہ پاکستان تحریک انصاف کو چھوڑ رہے ہیں۔
اور مسلم لیگ ن میں شمولیت کرنے جا رہے ہیں اس بیان کے بعد میاں محمود الرشید نے اپنے ٹوئٹر اکاؤنٹ پر اس خبر کی تردید کی ہے اور کہا ہے کہ یہ محض ایک پروپیگینڈا ہے۔
میں پاکستان تحریک انصاف کا رکن تھا اور آج بھی ہوں ۔ وقت خواہ کیسا بھی ہو میں ہر حالت میں اپنے کپتان کے ساتھ کھڑا رہوں گا ۔ جب تک زندگی ہے اپنی پارٹی کے لئے سب کچھ قربان کر دوں گا ۔ اور دم مرگ تک مضبوط چٹان کی طرح پارٹی کے ساتھ کھڑا رہوں گا انشاء اللہ۔
