پاکستان مسلم لیگ ن کی جانب سے نعروں کے خلاف کاروائی کا اعلان۔
لاہور ( اعتماد ٹی وی ) پاکستان مسلم لیگ ن کے رہنما عطا تارڑ نے گزشتہ روز میڈیا سے بات چیت کے دوران تمام اراکین کو متنبہ کیا ہے کہ اب سے کسی بھی قسم کی نعرے بازی برداشت نہیں کی جائے گی۔
عطا تارڑ نے اپنی بات کے دوران میریٹ ہوٹل میں ہوئے واقع کا حوالہ دیا کہ اب اگر کسی نے ایسا کرنے کی کوشش کی تو پھر وہی ہو گا جو میریٹ ہوٹل میں ہوا ۔
عطا تارڑ کا کہنا ہے کہ ہم نے بہت برداشت کر لیا ۔2017 میں جب بھی ہم کسی جگہ جاتے تھے تو ہر طرف “گو نواز گو” کے نعرے لگائے جاتے تھے۔
ہم پارکس میں جاتے یا ہوائی اڈے پر ، کسی ہوٹل میں ہوں یا کسی بھی پبلک پلیس پر ہم پر نعرے بازی کی جاتی اور ہم نے کبھی بھی مڑ کر کسی کو جواب نہیں دیا۔
عطا تارڑ کا کہنا ہے کہ اب بس ، بہت ہو گیا ۔ اب سے ایسا کچھ ہوا تو بھرپور کاروائی ہو گی۔ اس کی ہمیں ہدایات بھی جاری ہو چکی ہیں ۔
ایسے افراد کے خلاف موقع پر کاروائی کی جائے گی۔ خواہ پھر ہمیں خود ہی دو دو ہاتھ کیوں نہ کرنے پڑیں۔
