نئی حکومت کی کابینہ کی تشکیل کے حوالے سے سلیم صافی کا ٹوئٹ۔
اسلام آباد (،اعتماد ٹی وی) پاکستان کے نو منتخب وزیراعظم تاحال اپنی کابینہ کی تشکیل دینے میں ناکام رہے ہیں۔ کابینہ کے اب تک بھی نہ بننے کی وجہ یہ ہے کہ تحریک عدم اعتماد کو کامیاب بنانے کے لئےاپوزیشن نے جن جماعتوں کو اپنے ساتھ ملایا تھا ان میں اب وزارتوں کو لے کر مسائل درپیش ہیں۔
اس حوالے سے پاکستان کے اینکر و تجزیہ نگار سلیم صافی نے ٹوئٹ کیا ہے کہ کابینہ کی تشکیل میں تاخیر کی تمام تر ذمہ داری آصف علی زرداری کی ہے۔
جنہوں نے پرویز الٰہی کی طر ح اتحادی بن کر تمام جماعتوں کا خودساختہ نمائندگی کی ٹھان لی اور اب تمام اہم مناصب اپنے لیے ہتھیانا چاہتے ہیں۔
اور اب آصف علی زرداری متحدہ قومی موومنٹ ، جے یوائی، اے این پی اور بی این پی کو کسی قسم کا عہدہ نہیں دے رہے بس ا ن کو خیرات پر ہی ٹرکھایا جا رہا ہے ۔ ان تما م تر سنگین صورتحال کے بعد بھی آج وفاقی کابینہ کی پہلی قسط اپنا حلف اُٹھا لے گی۔
