سلیم صافی کے ٹوئٹ پر شازیہ عطا مری کا زبردست جواب۔
کراچی (اعتماد ٹی وی) پاکستا ن کے نجی چینل کے مشہور اینکرو تجزیہ نگار سلیم صافی نے اپنے ٹوئٹ کے ذریعے عوام کو باخبر کیا کہ کابینہ کی تشکیل میں کسی بھی قسم کی تاخیر کی ذمہ داری پیپلز پارٹی کےسابق صدر آصف علی زرداری پر ہے جنہوں نے خود اہم منصب ہتھیانے کے لئے باقی جماعتوں کے مطالبات کو نظر انداز کر دیا ہے ۔
سلیم صافی کے اس ٹوئٹ کا جواب شازیہ عطاء مری نے خوب دیا ہے ۔ انھوں نے کہا کہ پہلی بات تو میں بہت احترام کے ساتھ کہنا چاہتی ہو ں کہ کابینہ کی تشکیل کی ذمہ داری صرف و صرف وزیراعظم کی ہوتی ہے۔
اس کا باہر کے افراد سے کوئی تعلق نہیں ہوتا ۔ لیکن سلیم صافی صاحب آپ کو کابینہ کی تشکیل میں تاخیر کی اتنی تشویش کیوں ہو رہی ہے ؟
اس کے ساتھ ساتھ زرداری صاحب یہ پہلے ہی واضح کر چکے ہیں کہ وہ سب سے پہلے اپنی حلیف جماعتوں کی شراکت کے خواہشمند ہیں۔
اور یہ زرداری صاحب کی سیاسی بصیرت اور مفاہمتی پالیسی کی کامیابی ہے کہ آج اپوزیشن کامیاب ہو کر مضبوطی سے عہدوں پر براجمان ہے۔
