سفید کو کاٹو طوطے نے انوکھا کام کر دکھایا سوشل میڈیا پر ویڈیو وائرل۔
آن لائن (اعتماد ٹی وی) اللہ تعالیٰ کی تخلیق کردہ مخلوقات میں سے انسان کو اشرفیت حاصل ہے ۔ یہ بہت سے چیزوں کو تسخیر کر چکا ہے۔
اس طرح جانوروں و پرندوں کو سدھانا بھی انسانوں کا اہم کارنامہ ہے۔ برسوں سے لوگ اپنے پسندیدہ پالتو جانوروں کو گھروں میں رکھ کر ان کی دیکھ بھال کرتے ہیں۔
ایشیائی ممالک میں زیادہ تر کبوتر ، مرغی اور کتوں کو پالنے کا رواج ہے ۔ اس میں بھی سب سے زیادہ شوقین افراد کبوتر بازی کو پسند کرتے ہیں۔
لیکن پرندوں میں طوطا ایک ذہین پرندہ شمار کیا جاتا ہے اس پر یہ بھی ہے کہ اس کو باقاعدہ تربیت دی جائے تو یہ بولنا بھی شروع کر دیتے ہیں۔
ایسے ہی ایک طوطے کی ویڈیو سوشل میڈیا پر بہت زیادہ سر گرم ہے وہ ہے سفید کوکاٹو طوطے کی۔
اس ویڈیو میں تربیت یافتہ طوطے نے عجیب کام کر کے سب کو حیران کر دیا ہے ۔ سفید رنگ کے اس طوطے نے اپنی کالی چونچ میں ایک پیچ معہ نٹ کے پکڑا ہے ۔
طوطے اپنے پاؤں میں اس پیچ کو پکڑ کر اپنی کالی زبان اور چونچ کی مدد سے نٹ کو پیچ سے الگ کر دیا۔اس ویڈیو کو دیکھتے ہی صارفین حیران رہ گئے کہ ان سفید طوطوں کو بات چیت کرتے ہوئے تو اکثر دیکھا گیا ہےاور ا ن طوطوں میں یہ بھی صلاحیت ہوتی ہے کہ مختلف قسم کی آوازیں نکالیں ۔
اور کسی بھی تقریر کی باقاعدہ نقل بھی کر سکتے ہیں۔سفید کوکاٹو کی اس ویڈیو کو اب تک سو ادو لاکھ صارفین دیکھ چکے ہیں۔
طوطے نے نٹ کو گھما کر پیچ سے الگ کیا اور اس دوران اس نے خوبصورت آواز یں بھی نکالی جن کو ویڈیو میں سنا جا سکتا ہے۔ اس ویڈیو کے لائکس میں بالترتیب اضافہ ہو رہا ہے۔
