قصور ( اعتماد ٹی وی ) لاہور اور قصور کو ملانے والی سڑک فیروزپور روڈ انتہائی اہمیت کا حامل ہے، گزشتہ کچھ عرصے سے یہ روڈ شدید ٹوٹ پھوٹ کا شکار تھی۔
لاہور قصور فیروز پور روڈ کی اسپیشل تعمیر کروانے کی بھونڈی چال پکڑی گئی، ن لیگ کے ایم این اے سعد وسیم کا اپنے ہی حلقے کے لوگوں کے ساتھ بڑا جھوٹ بے نقاب ہوگیا۔
تاہم 14 اپریل کو محکمہ ہائی وے پنجاب کی قصور ڈویژن کی طرف سے اس سڑک کی اسپیشل مرمت کا تقریباً 3 کڑوڑ کا ٹینڈر جاری کیا گیا، جس میں مصطفےٰ آباد ٹول پلازہ سے لیکر قصور ڈسٹرکٹ ہسپتال تک روڈ میں ہونے والی توڑ پھوڑ کو مرمت کیا جائے گا۔
جبکہ حیرت کی بات یہ ہے کہ اس بات کا سارے کا سارا فائدہ نواز لیگ کے ایم این اے سعد وسیم نے اپنی سیاست چمکانے کے لئے اٹھایا اور درجہ ذیل اخبارات میں اپنی خبریں خد ہی لگوا کر اپنے حلقے کی عوام کو دھوکہ دیا۔
