میاں نواز شریف کے دور میں بجلی بحران پر قابو پایا گیا تھا۔ شہباز شریف
اسلام آباد (اعتماد ٹی وی) پاکستان مسلم لیگ ن کے موجودہ وزیراعظم شہباز شریف نے بجلی بحران کے حوالے سے بات کرتے ہوئے کہا کہ میاں نواز شریف کے دور حکومت کے پانچ سالوں میں بدترین لوڈ شیڈنگ کا خاتمہ کیا گیا۔ بے نظیر بھٹو کے وفات کے بعد سے پاکستان میں جاری لوڈ شیڈنگ کو مسلم لیگ ن نے اپنے دور میں کم کیا۔
بجلی کے کارخانوں کو اس قابل بنایا کہ بجلی کی پیداوار میں اضافہ ہو۔ لیکن سابقہ حکومت پاکستان تحریک انصاف کے ساڑھے تین سالہ دور میں تیل کی درآمد کو کم کر دیا گیا۔ جس کی وجہ سے بجلی کی پیداوار میں کمی ہو گئی۔اس کے علاوہ سابقہ حکومت نے بجلی کے کارخانوں کی مرمت کے لئے بھی رقم جاری نہیں کی۔ جس کا بھیانک نتیجہ ہے کہ آج ملک میں لوڈ شیڈنگ عروج پر ہے۔اور بجلی کا خسارہ 100 بلین ماہانہ ہے۔
ہماری حکومت کی بھر پور کوشش ہے کہ جلد از جلد ان کارخانوں کی مرمت کر کے ان کو فعال کیا جائے تاکہ ملک میں بجلی کے حوالےسے موجود لوڈ شیڈنگ کو ختم کیا جائے۔اس کے لئے وزیراعظم نے اگلے مہینے تک کا وقت دیا ہے ۔
