بس بہت ہو گیا اب سے غیراخلاقی ویڈیو پھیلانے والے بھی قانون کا سامنا کریں گے۔
لاہور (اعتماد ٹی وی) انٹرنیٹ نے جہاں دنیا کو آسانی مہیا کی اس کے ساتھ ہی جرائم کی شرح میں بھی اضافہ ہو گیا۔ غیراخلاقی تصاویر اور ویڈیو بنا کر سوشل میڈیا پر نشر کرنا غیر قانونی کام ہے جس میں روز بروز اضافہ ہو رہا ہے اور اس کے متعلق سائبر والوں کی جانب سے کوئی اقدامات نہیں کئے جا رہے۔
ملک کی نوجوان نسل سوشل میڈیا کے استعمال کے بعد سے مشکلات کا شکار ہے اور یہاں پر موجود گندگی کی ویب سائٹس کی وجہ سے نوجوان نسل بگڑ گئی ہے۔ اس حوالے سے موجودہ وزیراعظم نے کریک ڈاؤ ن کا فیصلہ کر لیا ہے اس حوالے سے وزیرداخلہ رانا ثناء اللہ نے کہا کہ غیر اخلاقی ویڈیو جاری کرنے والوں اور پھیلانے والوں کے خلاف قانونی کاروائی کی جائے گی۔
ایف آئی اے اور اس متعلقہ تمام اداروں کو ہدایات دی جا چکی ہیں اب سے کوئی کسی کی عزت نہیں اچھالے گا ایسی ویڈیو بنا کر کسی سے اپنی دلی خواہش پوری کروانا غیر قانونی ہے۔ ایسے افراد کے خلاف سخت ایکشن لیا جائے او ر سز ابھی دی جائے گی جس کے ساتھ جرمانہ عائد ہوگا۔
