کراچی (اعتماد ٹی وی) پاکستان کے مایہ ناز مذہبی اسکالر عامر لیاقت حسین اپنی شادیوں اور کم عمر لڑکیوں سے شادیوں کے حوالے سے خبروں میں رہتے ہیں۔ پہلی زوجہ بشری کے ساتھ اچھی خوشگوار زندگی بسر کرنے کے بعد دوسری شادی کا شوق آیا تو سیدہ طوبیٰ کو چنا ۔ یہ شادی ایک سال چلی اور طوبیٰ نے طلاق کی درخواست دائر کردی۔
دوسری بیوی کو نیچا دکھانے کے لئے عامر لیاقت نے تیسری شادی مزید کم عمر لڑکی سے کی۔ یہ شادی چار ماہ بھی نہ چل سکی اور ا نکی تیسری کم عمر بیوی نے تنسیخ نکاح کا مقدمہ کر دیا۔ جس کے ساتھ انھوں نے ایک فہرست جاری کی ہے جس کے مطابق عامر لیاقت حسین نے شادی کے وقت جو دعوے کیے تھے وہ پورے نہیں ہوئے۔
درخواست میں دانیہ شاہ نے بتایا کہ عامر لیاقت سے تنسیخ نکاح کی ڈگری جاری کی جائے اور حق مہر کی مد میں 11 کروڑ روپے گھر جو کہ کراچی کی خداداد کالونی میں واقع ہے ایک عدد گاڑی ٹیوٹا GLI ماڈل 2022 جس کی مالیت 45 لاکھ روپے بنتی ہے۔3 تولہ زیورات جن کی مالیت 4لاکھ روپے ہے ادا کرنے کا حکم دے اس کے ساتھ ساتھ ایک لاکھ روپے نان نفقہ بھی ماہانہ دیا جائے۔
